Lífeyrisþegar sem eru með atvinnutekjur geta óskað eftir mánaðaskiptingu atvinnutekna. Það þýðir að atvinnutekjur hafa einungis áhrif á lífeyrisgreiðslur þess mánaðar sem atvinnutekna er aflað.
Þetta úrræði hentar helst lífeyrisþegum með óreglulegar atvinnutekjur.
Almennt er atvinnutekjum jafndreift yfir árið við útreikning greiðslna frá TR. Við uppgjör á lífeyrisgreiðslum er athugað hvort mánaðaskipting atvinnutekna komi betur út fyrir viðkomandi lífeyrisþega óháð því hvort óskað var eftir mánaðadreifingunni. Útreikningurinn sem kemur best út fyrir lífeyrisþegann er valinn.
Óskað er eftir mánaðaskiptingu atvinnutekna þegar fyllt er út tekjuáætlun á Mínum síðum TR.
Þá á þarftu að:
haka við að þú viljir mánaðaskiptingu atvinnutekna
og
skrá tekjur fyrir hvern og einn mánuð sérstaklega (fyrir skatt).
Þjónustuaðili
Tryggingastofnun