Fara beint í efnið

Þegar barn á fasta búsetu (lögheimili) hjá öðru foreldra sinna geta foreldrar óskað eftir því að sýslumaður staðfesti samning þeirra um greiðslu framlags vegna sérstakra útgjalda í lífi barns. Ef ágreiningur er á milli foreldra um sérstakt framlag getur lögheimilisforeldri farið fram á að sýslumaður úrskurði um skyldu umgengnisforeldris til greiðslu framlags vegna sérstakra útgjalda í lífi barns.

Sérstök útgjöld geta verið vegna:

  • Skírnar

  • Fermingar

  • Gleraugnakaupa

  • Tannréttinga

  • Sjúkdóms

  • Greftrunar

  • Annað sérstakt tilefni

Framlög vegna sérstakra útgjalda eru ólík meðlagi að því leyti að þau tilheyra lögheimilisforeldrinu. Meðlag tilheyrir aftur á móti barninu.

Framlög vegna sérstakra útgjalda er ætlað að standa straum af tilefnum í lífi barns sem eru sérstaks eðlis en ekki almenns. Reglubundnu meðlagi er hins vegar ætlað að greiða almenna framfærslu barns svo sem fæði, fatnaði, húsnæði, tónlistarnám, íþróttaiðkun auk almennra tannviðgerða og venjulegra heilsufarsútgjalda.

Foreldrar sem samið hafa um skipta búsetu barns geta ekki óskað staðfestingar sýslumanns á samningi um sérstakt framlag eða krafist úrskurðar sýslumanns um sérstakt framlag.

Hægt er að sækja um til TR að fá greitt út meðlag, menntunarframlag og sérstakt framlag sem ákveðið hefur verið með úrskurði sýslumanns, samningi staðfestum af sýslumanni, dómi eða dómsátt. Skilyrði er að viðtakandi greiðslu búi á Íslandi. Útborgun TR á meðlagi og menntunarframlagi er bundin við fjárhæð einfalds meðlags og útborgun TR vegna sérstaks framlags er einungis vegna útgjaldaliða sem tilgreindir eru í viðmiðunarfjárhæðum dómsmálaráðuneytisins og aldrei hærri fjárhæð en þar er tilgreind. Sjá nánar 67. gr. barnalaga nr. 76/2003.

Þjónustuaðili

Sýslu­menn

Sýslumenn

Höfuð­borg­ar­svæðið

Mán. til fim. 8:30 - 15
Fös. 8:30 - 14

Vest­ur­land

Mán. til fim. 9 - 15
Fös. 9 - 14

Vest­firðir

Mán. til fim. 9 - 15
Fös. 9 - 13:30

Norð­ur­land vestra

Mán. til fös. 9 - 15

Norð­ur­land eystra

Mán. til fim. 9 - 15
Fös. 9 - 14

Aust­ur­land

Mán. til fim. 9 - 15
Fös. 9-14

Suður­land

Mán. til fös. 9 - 15

Vest­manna­eyjar

Mán. til fim. 9:15 - 15
Fös. 9:15 - 14

Suðurnes

Mán. til fös. 8:30 - 15