Flutt innanlands

Föst búseta manns eða lögheimili telst vera þar sem hann hefur bækistöð sína, dvelst í tómstundum, hefur heimilismuni og sefur.

Flutt innanlands

  • Þegar einstaklingur eða fjölskylda flytur úr einu húsnæði í annað, milli sveitarfélaga eða landshluta, skal samkvæmt lögum tilkynna um flutninginn innan sjö daga til Þjóðskrár Íslands, á skrifstofu viðkomandi sveitarfélags eða lögreglustöð. 
  • Tilkynna nýtt lögheimili til Þjóðskrár Íslands. Þú þarft að skrá þig inn með Íslykli eða rafrænu skilríki.
  • Ýmsar stofnanir, fyrirtæki og félagasamtök uppfæra skrár reglulega með upplýsingum frá Þjóðskrá Íslands, og því er mikilvægt að fólk tilkynni flutning sem fyrst. Hafa ber í huga að misjafnt er hversu oft fyrirtæki og félagasamtök endurnýja þjóðskránna hjá sér.
    Upplýsingar um flutning á vef Þjóðskrár Íslands

Sá sem flytur aðsetur sitt verður að tilkynna það til Þjóðskrár Íslands.

Minnislisti vegna flutninga:

  • Tilkynna nýtt lögheimili til Þjóðskrár Íslands. Þú þarft að skrá þig inn með Íslykli eða rafrænu skilríki.
  • Ef börn og unglingar skipta um leik- og/eða grunnskóla þarf að tilkynna flutning til gamla skólans og sækja um í nýjum skóla.
  • Lesa af orkumælum, rafmagns-, heita- og kaldavatnsmælum. Hægt er að skrá aflestur af mælum og tilkynna notendaskipti, rafrænt á vefjum orkufyrirtækja, annars skal hafa samband við skrifstofur þeirra og panta aflestur og tilkynna notendaskipti.
  • Tilkynna nýtt heimilisfang til Íslandspósts.
  • Kynna sér hvaða heilsugæsla eða heilbrigðisstofnun starfar á því svæði sem flutt er til. Tilkynna sig og sína og sækja um heimilislækni.
  • Hægt er að flytja heimasímanúmer með sér hvert á land sem er. Nánari upplýsingar fást í þjónustuverum og á vefjum símafyrirtækja.
  • Meta hvort þörf sé á að tryggja búslóð sem flutt er milli staða.
  • Tilkynna flutning til erlendra fyrirtækja, félagasamtaka og annarra sem við á.
  • Á vefjum sveitarfélaga fást upplýsingar um stjórnsýslu og aðrar almennar upplýsingar um sveitarfélagið. Hjá þjónustuskrifstofum Vinnumálastofnunar má finna upplýsingar um störf í boði, starfsnámskeið og atvinnuleysisskráningu.

Álestur hjá Hitaveitu Suðurnesja
Eyðublöð og álestur hjá Norðurorku
Eyðublöð og álestur hjá Orkubúi Vestfjarða
Eyðublöð og álestur hjá Orkuveitu Húsavíkur
Grunnskólar á Ísland.is
Heilbrigðisþjónusta á vef embættis landlæknis
Leikskólar á Ísland.is
Álestur hjá Orkuveitu Reykjavíkur
RARIK
Tilkynning um breytingu á heimilisfangi hjá Íslandspósti
Tryggingastofnun ríkisins

Vert að skoða

Lög og reglugerðir