Erfðafjárskýrsla

Þegar dánarbúi er skipt með opinberum skiptum skal skiptastjóri fylla út erfðafjárskýrslu í samræmi við frumvarp til úthlutunar úr búinu. Skiptastjóri skal leggja erfðafjárskýrslu ásamt frumvarpi til úthlutunar úr búinu fyrir sýslumann til bráðabirgðaákvörðunar á erfðafjárskatti áður en skiptafundur er haldinn um frumvarpið. 

Innan viku frá því að skiptum er lokið skal skiptastjóri leggja erfðafjárskýrsluna á ný fyrir sýslumann til ákvörðunar skattsins og áritunar. Að lokinni áritun sendir sýslumaður erfðafjárskýrsluna til ríkisskattstjóra.

Hjá Sýslumanninum á höfuðborgarsvæðinu þarf að panta viðtalstíma fyrirfram til að leggja fram erfðafjárskýrslu.