Ef umsækjandi telur útreikning byggðan á röngum eða ófullnægjandi upplýsingum getur hann sent erindi á hms@hms.is eða í gegnum fyrirspurnir á Mínar síður HMS, með beiðni um endurskoðun.
Erindinu þarf að fylgja rökstuðningur og viðeigandi gögn sem sýna fram á að tekjur og/eða eignastaða hafi breyst verulega frá síðasta útreikningi og forsenda sé fyrir endurskoðun. Mögulegar breytingar og nauðsynleg gögn geta verið:

• Sala á fasteign – Afrit af söluuppgjöri og önnur gögn sem sýna fram á að eignastaða skv. síðasta skattframtali eigi ekki lengur við.

• Lögskilnaður – Ef eignastaða hefur breyst í kjölfar lögskilnaðar þarf að senda inn fjárskiptasamning því til staðfestingar.

• Bankainnistæða hefur breyst frá síðasta skattframtali og veldur skerðingu bóta – Staðfest yfirlit reikninga frá viðskiptabanka.

• Breyttar fjármagnstekjur – Skýringar og viðeigandi gögn til staðfestingar. Dæmi um breytingar á fjármagnstekjum væru að umsækjandi hafi fengið greiddan arð, söluhagnað eða leigutekjur á fyrra ári en það eigi ekki lengur við.