Skilnaður

Ef hjón eiga eignir þurfa þau að semja sín á milli um skiptingu eignanna. Notast má við staðlað eyðublað frá sýslumanni við gerð fjárskiptasamnings en það er ekki skilyrði. 

Einnig þarf að fylla út skiptayfirlýsingu og láta þinglýsa á þær eignir sem um ræðir.

Leita má aðstoðar sjálfstætt starfandi lögmanns eða annars ráðgjafa við gerð fjárskiptasamnings.

Ef ekki nást samningar um fjárskiptin, getur annar aðilinn lagt fram beiðni um opinber skipti fyrir héraðsdómi. Leggja má fram staðfestingu héraðsdóms um að opinber skipti til fjárslita séu hafin hjá sýslumanni í stað þess að leggja fram og staðfesta fjárskiptasamning.

Eigi hjón ekki eignir geta þau lýst yfir eignaleysi fyrir sýslumanni.