Mat fasteigna

Allar fasteignir í landinu eru skráðar og metnar til fasteigna- og brunabótamats hjá Þjóðskrá Íslands.


Mat allra fasteigna í landinu, loftmyndir og veðsjá

Fasteignamat

  • Fasteignamat er mat á verðmæti húss og lóðar sem áætlað er út frá gangverði svipaðra eigna á markaði.
  • Fasteignamat er uppfært árlega í samræmi við þróun fasteignaverðs og fá fasteignaeigendur ávallt tilkynningu um breytingar á því.
  • Eftirtalin opinber gjöld eru reiknuð út frá fasteignamati:
    • fasteignagjöld,
    • erfðafjárskattur og
    • stimpilgjöld vegna þinglýsingar kaupsamninga.

Nánar um fasteignamat

Brunabótamat

  • Sækja verður um brunabótamat innan fjögurra vikna frá því að nýtt húsnæði er tekið í notkun. Fyrsta mat er gjaldfrítt. Beiðni um brunabótamat
  • Brunabótamat er vátryggingarfjárhæð húseignar eða áætlaður kostnaður við að endurbyggja eign sem eyðileggst í eldi.
  • Iðgjöld brunatrygginga eru miðuð við brunabótamat.
  • Brunabótamat er gjaldstofn eftirtalinna opinberra gjalda:
    • gjalds í ofanflóðasjóð,
    • viðlagatryggingagjalds og
    • brunabótamatsgjalds.

Nánar um brunabótamat

Endurmat og fleira

  • Ef húseigandi telur að verðmæti eignar hafi aukist vegna endurbóta er honum skylt að óska eftir endurmati.
  • Ef eigandi fasteignar hefur athugasemdir við gildandi fasteignamat má krefjast úrskurðar Þjóðskrár Íslands.
  • Hækkun á brunabótamati getur leitt til hækkunar á fasteignamati og hækka þá opinber gjöld og iðgjöld til samræmis.
  • Lánastofnanir nota gjarnan brunabóta- eða fasteignamat til að ákvarða veðhlutfall húseigna, það er hversu há lán þær veita út á eignina.

Eyðublöð á vef Þjóðskrár Íslands

Lög og reglugerðir