Skattar einstaklinga

Allir sem eru skattskyldir á Íslandi og hafa tekjur yfir skattleysismörkum greiða skatta af launum sínum sem fara í sameiginlegan sjóð landsmanna.

Persónuafsláttur

  • Persónuafsláttur er skattaafsláttur. Allir sem eru 16 ára og eldri og eru heimilisfastir á landinu eiga rétt á persónuafslætti.
  • Persónuafsláttur er að fullu millifæranlegur á milli hjóna eða sambúðarfólks.
  • Persónuafslætti má safna upp á milli mánaða og eftir atvikum nýta afslátt sem maki hefur ekki nýtt sér.
  • Uppsafnaður persónuafsláttur sem ekki er nýttur innan skattárs fellur niður við upphaf nýs árs.
    Persónuafsláttur, á vef rsk.is

Upplýsingar um rafrænan persónuafslátt á rsk.is

Skattur af launum einstaklinga

  • Skattur af launum einstaklinga skiptist annars vegar í tekjuskatt til ríkisins og hins vegar í útsvar til sveitarfélaga.
  • Skattleysismörk taka mið af persónuafslætti og staðgreiðsluhlutfallinu og eru það mörkin sem miðað er við áður en skattur er greiddur af laununum.
  • Atvinnurekandi dregur staðgreiðsluna af launum launþegans og skilar til innheimtumanns ríkissjóðs.
  • Launþegar sem starfa á fleiri en einum stað þurfa að upplýsa atvinnurekendur um önnur launuð störf til að rétt hlutfall tekjuskatts sé dregið af launum.
  • Tekjuskattsþrep launþega eru tvö: 22,5% og 31,8%. Launþegar greiða því:
    • 22,5% af tekjum undir 893.713 kr. á mánuði og
    • 31,8% af tekjum yfir 893.713 kr. á mánuði.
  • Útsvarið sem launþegar greiða af launum sínum er einn af tekjustofnum sveitarfélaga og er það mismunandi eftir sveitarfélögum.
  • Við staðgreiðslu útsvars er miðað við meðalútsvar allra sveitarfélaga. Á árinu 2018 er meðalútsvar 14,44%, lágmarksútsvar er 12,44% en hámarksútsvar 14,52%.

  • Staðgreiðsluhlutfall ársins er 36,94% á tekjur í fyrsta þrepi og 46,24% í öðru þrepi.
  • Allir 16 til 70 ára og með tekjur yfir skattleysismörkum greiða föst gjöld í Framkvæmdasjóð aldraðra og til reksturs Ríkisútvarps. Þessi gjöld eru nefskattur en það er skattur sem leggst jafnt á alla.
  • Börn yngri en 16 ára hafa sérstakt frítekjumark og greiða 6% af tekjum sem fara yfir frítekjumarkið í skatt.

Persónuafsláttur á mánuði: 53.895 kr.
Skattleysismörk á mánuði: 151.978 kr. miðað við launþega með 4% lífeyrissparnað, 145.899 kr. miðað við ellilífeyrisþega.
Tekjuskattsprósenta: 22,5% og 31,8%
Meðalútsvar: 14,44%
Staðgreiðsluhlutfall*: 36,94% og 46,24%

Tafla - Dæmi um útreikning

Upplýsingar fyrir árið 2018:

Persónuafsláttur á mánuði: 53.895 kr.
Skattleysismörk á mánuði: 151.978 kr. miðað við launþega með 4% lífeyrissparnað, 145.899 kr. miðað við ellilífeyrisþega.
Tekjuskattsprósenta: 22,5% og 31,8%
Meðalútsvar: 14,44%
Staðgreiðsluhlutfall*: 36,94% og 46,24%


*Tekjuskattsprósenta + meðalútsvar.

Skýring:

Launþegi greiðir 22,5% tekjuskatt af launum að 893.713 kr. Af laununum er einnig greitt útsvar sem er 14,44% að meðaltali árið 2018. Staðgreiðsluhlutfall launþegans er því 46,24% af þeim launahluta sem fer yfir 893.713 kr. á mánuði.

Upplýsingar fyrir árið 2017:

Persónuafsláttur á mánuði: 52.907 kr.
Skattleysismörk á mánuði: 149.192 kr. miðað við launþega með 4% lífeyrissparnað, 143.224 kr. miðað við ellilífeyrisþega.
Tekjuskattsprósenta: 22,5% og 31,8%
Meðalútsvar: 14,44%
Staðgreiðsluhlutfall*: 36,94% og 46,24%


*Tekjuskattsprósenta + meðalútsvar.

Skýring:

Launþegi greiðir 22,5% tekjuskatt af launum að 834.707 kr. Af laununum er einnig greitt útsvar sem er 14,44% að meðaltali árið 2017. Staðgreiðsluhlutfall launþegans er því 46,24% af þeim launahluta sem fer yfir 834.707 kr. á mánuði.

Samsköttun við álagningu opinberra gjalda 2018

  • Samskatta skal við álagningu opinberra gjalda ef annar makinn (A) er með tekjur yfir 10.724.553 kr. og hinn makinn (B) er með tekjur undir 10.724.553 kr.
  • 50% af því sem B nýtir ekki skal færa frá B til A og skattleggja hjá honum það sem umfram er 10.724.553 kr., þó að hámarki 5.362.284 kr.

Samsköttun við álagningu opinberra gjalda 2017

  • Samskatta skal við álagningu opinberra gjalda ef annar makinn (A) er með tekjur yfir 10.016.489 kr. og hinn makinn (B) er með tekjur undir 10.016.489 kr.
  • 50% af því sem B nýtir ekki skal færa frá B til A og skattleggja hjá honum það sem umfram er 10.016.489 kr., þó að hámarki 5.008.248 kr.

Reiknaðu út hvað greitt er í skatt af laununum
Staðgreiðsla á vef rsk.is

Skattframtalið

  • Skylda er að skila inn skattframtali til ríkisskattstjóra í marsmánuði ár hvert. Á skattframtali eru gefnar upplýsingar um tekjur, eignir og skuldir frá fyrra ári.
  • Ríkisskattstjóra er heimilt að ákveða að framtalsskil einstaklinga utan atvinnurekstrar skuli almennt vera með rafrænum hætti og málsmeðferð verði rafræn eftir því sem við á.
  • 1. júlí fá einstaklingar senda innheimtu- og álagningarseðla frá ríkisskattstjóra. Á þeim koma fram upplýsingar um skattauppgjörið.
  • Ef skattgreiðandi hefur greitt of mikið í skatt þá fær hann það greitt til baka. Ef of lítið hefur verið greitt í skatt, þá þarf skattgreiðandinn að greiða það sem á vantar.


Vefframtalinu er skilað á þjónustuvef ríkisskattstjóra (nýr gluggi)

Aðrir skattar

  • Einstaklingar greiða 22% skatt af fjármagnstekjum. Þó skal ekki reikna tekjuskatt af heildarvaxtatekjum að fjárhæð 150.000 kr. á ári hjá manni og 50% af tekjum manns af útleigu íbúðarhúsnæðis til búsetu leigjanda.
  • Fjármagnstekjur eru:
  • Vaxtatekjur
  • Arður
  • Söluhagnaður
  • Leigutekjur
  • Erfðafjárskattur er 10% en ekki er greiddur skattur af fyrstu einni og hálfri milljóninni af skattstofni dánarbús.
  • Sumir happdrættisvinningar eru skattlagðir. Listi yfir happdrætti sem greiða skattfrjálsa vinninga er birtur í leiðbeiningum með skattframtali einstaklinga.

Vert að skoða

Lög og reglugerðir