Íbúðarsvæði vestan Böggvisbrautar – nýtt deiliskipulag.

Sveitarstjórn Dalvíkurbyggðar samþykkti 20. janúar 2026 tillögu að deiliskipulagi fyrir íbúðarbyggð vestan Böggvisbrautar á Dalvík, skv. 3. mgr. 41. gr. skipulagslaga nr. 123/2010.

Deiliskipulagstillagan gerir ráð fyrir nýrri íbúðarbyggð með allt að 65 íbúðum í eins til þriggja hæða húsum, þ.e. einbýlis-, fjölbýlis-, par-, rað- og keðjuhúsum. Lögð verður áhersla á gott aðgengi svæðisins með öruggum gönguleiðum, haganlega staðsetningu íbúðarhúsa m.t.t. skjóls og birtu og blágrænar ofanvatnslausnir.

Deiliskipulagstillagan hefur hlotið meðferð í samræmi við 40.-42.gr. skipulagslaga og öðlast hún þegar gildi.

B deild — Útgáfudagur: 21. maí 2026