Í samræmi við skipulagslög nr. 123/2010 hefur sveitarstjórn Grímsnes- og Grafningshrepps samþykkt eftirfarandi deiliskipulagsáætlanir:

Deiliskipulagsbreyting, Lækjarbrekka 45, L230892, frístundasvæði Syðri-Brúar, L168277, aukið byggingarmagn og nýtingarhlutfall.

Um er að ræða óverulega breytingu á deiliskipulagi sem tekur til frístundasvæðis í landi Syðri-Brúar. Í breytingunni felst að heimilt verði að byggja eitt frístundahús að hámarki 180 fm að stærð, í stað 150 fm, að undanskildum yfirbyggðum veröndum, og eitt smáhýsi/geymslu að hámarki 40 fm að stærð, í stað 30 fm, en nýtingarhlutfall skuli ekki fara yfir 0,05. Umsótt breyting á nýtingarhlutfalli frístundalóða innan Syðri-Brúar er í samræmi við aðalskipulagsbreytingu er varðar aukningu á nýtingarhlutfalli innan frístundasvæða sem einnig er til afgreiðslu sveitarstjórnar, eftir auglýsingu og afgreiðslu Skipulagsstofnunar.

Samþykkt í sveitarstjórn 3. september 2025.

Deiliskipulagsbreyting, Kerhraun B 136, L208922, og B137, L208923, breytt mörk lóða.

Um er að ræða óverulega breytingu á deiliskipulagi sem tekur til Kerhrauns B 136, L208922, og Kerhrauns B 137, L208923. Í breytingunni felst að mörkum lóðanna er breytt. Lóðin Kerhraun 136 minnkar í 4.497 fermetra úr 6.368 fermetrum og lóðin Kerhraun 137 stækkar í 7.500 fermetra úr 5.629 fermetrum. Byggingarreitum lóðanna er breytt vegna breyttra lóðarmarka.

Samþykkt í sveitarstjórn 4. febrúar 2026.

Ofangreindar deiliskipulagsáætlanir hafa hlotið þá meðferð sem skipulagslög mæla fyrir um og öðlast þegar gildi.

B deild — Útgáfudagur: 13. apríl 2026