Sala á greiðslumarki
Þú getur sótt um samþykki fyrir sölu á greiðslumarki hjá HMS. Stofnunin þarf að samþykkja söluna því að hún hefur áhrif á verðmæti fasteignar sem HMS veitti lán fyrir.
Dæmi
Þú vilt selja mjólkurkvóta.
Þú vilt selja ærgildi.
Skilyrði
Veðrými eftir breytingar eða skerðingu veðs verður að vera nægjanlegt fyrir áhvílandi lán.
Sækja um
Í tilfelli sölu á mjólkurkvóta þarftu að tilgreina:
Heildarfjölda lítra.
Fjölda seldra lítra.
Verðmæti seldra lítra.
Í tilfelli sölu á ærgildum þarftu að tilgreina:
Heildarfjölda ærgilda.
Fjölda seldra ærgilda.
Verðmæti seldra ærgilda.
Fylgigögn
Með umsókninni þarf að fylgja:
Yfirlit yfir stöðu lána á fyrri veðréttum.
Ráðgjafi HMS mun hafa samband með tölvupósti og óska eftir frekari upplýsingum ef þörf er á.
Umsókn um sölu á greiðslumarki samþykkt
Þú færð tölvupóst þegar umsókn um sölu á greiðslumarki hefur verið samþykkt.
Þegar skjöl eru tilbúin er hægt að nálgast þau á afgreiðslutíma til HMS í Borgartúni 21 eða fá þau send með ábyrgðarpósti ef þú býrð á landsbyggðinni.
Þegar skjölunum hefur verið þinglýst skilar þú þeim aftur til HMS.
Umsókn um sölu á greiðslumarki synjað
Þú færð bréf með skýringum á ástæðum synjunar á Mínar síður á Ísland.is.
Ef þú telur niðurstöðuna ranga getur þú kært hana til úrskurðarnefndar velferðarmála.
Þjónustuaðili
Húsnæðis- og mannvirkjastofnun