Rannsóknamiðstöð Íslands
Úthlutun úr Sprotasjóði 2026
13. apríl 2026
Sprotasjóður leik- grunn- og framhaldsskóla hefur úthlutað 64.370.000 kr. til 20 skólaþróunarverkefna fyrir skólaárið 2026–2027. Inga Sæland, mennta- og barnamálaráðherra og Bragi Þór Svavarsson, formaður stjórnar sjóðsins, afhentu styrkina við hátíðlega athöfn í Safnahúsinu á laugardaginn 11. apríl 2026.
Sprotasjóður styður við þróun og nýjungar í skólastarfi í leik-, grunn- og framhaldsskólum í samræmi við stefnu stjórnvalda og aðalnámskrá viðkomandi skólastiga. Umsýsla sjóðsins er hjá Rannís.
Áherslusvið sjóðsins árið 2026 voru:
Grunnþáttur menntunar: Lýðræði og mannréttindi
Nýjar leiðir í kennsluaðferðum og námsmati með sjálfstæði og virkni nemenda að markmiði
Sjóðnum bárust 39 gildar umsóknir að undangenginni auglýsingu og sótt var um rúmlega 146 m.kr.
Á gagnatorgi Rannís er hægt að sjá yfirlit styrktra verkefna Sprotasjóðs og nánari upplýsingar um hvert verkefni með því að velja númer verkefnis fremst í töflu.
Á gagnatorgi Rannís er einnig hægt að nálgast upplýsingar um styrkt verkefni Sprotasjóðs frá árinu 2022 og stutt lýsing úr lokaskýrslu birtist eftir að verkefni er lokið.
Eftirfarandi verkefni hlutu styrk árið 2026:
Styrkþegi | Heiti verkefnis | Úthlutaður styrkur |
Kópavogsbær | Gervigreind – Uppspretta nýrra tækifæra? | 6.550.000 kr. |
Menntaskólinn á Ísafirði | Hönnunarhugsun í þróun kennsluhátta og námsmats | 6.250.000 kr. |
Mosfellsbær, allir leikskólar | Samskiptasáttmáli Mosfellsbæjar | 5.000.000 kr. |
Listasafn Íslands | Þar sem sögur mætast | 4.460.000 kr. |
Hagaskóli | Íslenska í daglegu lífi ungmenna | 4.200.000 kr. |
Kópavogsbær, menntasvið | Lausnahringurinn í leikskólum Kópavogs | 4.000.000 kr. |
Foldaskóli | Skólastofa samtímans | 4.000.000 kr. |
Sveitarfélagið Árborg, leikskólinn Jötunheimar | Mál skiptir máli | 3.500.000 kr. |
Neyðarlínan ohf. | Stærri og sterkari Sexa | 3.410.000 kr. |
Lundasel - Pálmholt | Að undrast - Samræður í leikskólastarfi | 3.360.000 kr. |
Borgarhólsskóli | Lítil skref á leið til læsis | 3.200.000 kr. |
Reykjavíkurborg, leikskólinn Rauðhóll | Skógarhópurinn - Rannsókn í þágu lýðheilsu barna | 3.000.000 kr. |
Borgarbyggð, leikskólinn Klettaborg | STEAM og leiðsagnarmat- Þróun námsmenningar | 2.660.000 kr. |
Akureyrarbær, Glerárskóli | Fjársjóðskort og fjölbreyttar kennsluaðferðir | 2.500.000 kr. |
Vogaskóli | Raddir ungmenna, lýðræði, tölfræði og textalæsi | 2.000.000 kr. |
Akureyrarbær, Iðavöllur | Fjárfestum í framtíðinni – jöfn tækifæri til náms | 2.000.000 kr. |
Selásskóli | Leikur á viku hreyfing, samvinna og lýðræði í leik | 1.730.000 kr. |
Alice Demurtas | Kveikt - QFT í Kennslustofunni | 1.200.000 kr. |
Vogaskóli | Undirbúningur milli skólastiga | 800.000 kr. |
Reykjavíkurborg, Hvassaleitisskóli | Læsi fyrir lífið | 550.000 kr. |