Fara beint í efnið

Launakrafa vegna gjaldþrots

Yfirlýsing um launakröfu vegna gjaldþrots

Þegar fyrirtæki verður gjaldþrota getur starfsfólk sótt um að fá greiddar atvinnuleysisbætur þann tíma sem það er án atvinnu á uppsagnarfresti á meðan beðið er eftir endanlegu uppgjöri á launakröfum.

Þá er skilyrði að launamaður framselji Atvinnuleysistryggingasjóði þann hluta launakröfu sinnar á hendur Ábyrgðasjóði launa er nemur fjárhæð þeirra atvinnuleysisbóta sem hann fær greiddar á þessum tíma.

Yfirlýsingin felur í sér tilkynningu um að launamaður hafi lýst inn launakröfu í þrotabúið og framsal á hluta kröfunnar að því marki sem Atvinnuleysistryggingasjóður kann að greiða í atvinnuleysisbætur.