VS afli

VS-afli er afli sem ekki reiknast til aflamarks skips sem veiðir aflann, að ákveðnum skilyrðum uppfylltum.

Heimild

• Skipstjóra er heimilt að ákveða að hluti afla í veiðiferð reiknist ekki til aflamarks skipsins og skrá aflann sem VS-afla.

• Heimildin takmarkast við 0,5% af uppsjávarafla og 5% af öðrum sjávarafla

• Heimildin er reiknuð út frá lönduðum afla skipsins.

• VS-aflaheimild skipa skiptist í fjögur þriggja mánaða tímabil á fiskveiðiárinu.

• Miða má ýsuafla og afla sem fæst sem meðafli við grásleppuveiðar við heimild fiskveiðiársins í heild.

• Ekki er heimilt að flytja ónýttar heimildir milli tímabilanna.

Skilyrði

• VS-afla skal aðskilja frá öðrum afla skipsins um borð.

• Hann á að vigta og skrá sérstaklega við löndun.

• Skipstjóri fiskiskips á að tryggja að réttar og fullnægjandi upplýsingar um aflann berist til hafnarvigtarmanns.

• VS-aflann á ávallt að bjóða upp og selja á fiskmarkaði.

Andvirði og uppgjör

• Fiskmarkaðurinn sem býður aflann upp sér um að skila andvirði aflans í Verkefnasjóð sjávarútvegsins að frádregnum hafnargjöldum og kostnaði við uppboðið.

• 80% af andvirði aflans rennur til Verkefnasjóð sjávarútvegs.

• Útgerð skipsins fær 20% af andvirði selds afla sem skiptist milli útgerðar og áhafnar.