Viðurkenning á starfsréttindum iðnaðarmanna á evrópska efnahagssvæðinu

Iðnaðarmenn með erlenda menntun, sem ætla að vinna við iðngrein sína á Íslandi þurfa að fá menntun sína og réttindi staðfest.

• Umsóknum í rafiðngreinum er skilað til Rafmenntar, Stórhöfða 27, 110 Reykjavík, eða rafrænt á rafmennt@rafmennt.is. Nánari upplýsingar á Rafmennt

• Umsóknum í öðrum iðngreinum er skilað til IÐUNNAR-fræðsluseturs, Vatnagörðum 20, 104 Reykjavík, eða rafrænt á idan@idan.is. Nánari upplýsingar á IÐAN fræðslusetur

Ferlið

Uppfylli umsækjandi skilyrði um menntun til starfa í löggiltri iðngrein hér á landi, fær hann umsögn því til staðfestingar frá Menntamálastofnun. Ekki er farið fram á frekara nám til þess að vinna hér á landi á umræddu sviði, hins vegar þarf viðkomandi að afla sér atvinnuleyfis frá Vinnumálastofnun ef hann kemur frá landi utan EES-svæðisins.

Eftirfarandi gögn þurfa að fylgja umsókninni til Menntamálastofnunar:

• afrit af lokaprófaskírteini á upprunalegu tungumáli, sem stimplað er af þeim skóla sem veitti það, eða öðrum viðurkenndum aðila

• þýðing á prófskírteininu yfir á íslensku eða ensku

• staðfestar upplýsingar um reynslu umsækjanda af starfi í þeirri starfsgrein sem hann ætlar að vinna við, á íslensku eða ensku

• staðfesting á réttindum viðkomandi í heimalandinu á íslensku eða ensku ef við á

• ljósrit af vegabréfi
  

Sýslumaðurinn á Austurlandi gefur svo út leyfisbréf sem staðfestir menntun og starfsreynslu viðkomandi til starfa hér á landi.

Greiða þarf 2.500 krónur fyrir staðfestinguna hjá sýslumanni. 

Staðfestingin eru svo send til viðkomandi með bréfpósti eða tölvupósti.

Sýslumaðurinn á Austurlandi

Sýslu­mað­urinn á Aust­ur­landi