Lokanir veiðisvæða í fiskveiðilandhelgi Íslands

Veiðisvæðum getur verið lokað með skyndilokunum eða reglugerðarlokunum.

Skyndilokanir

Eftirlitsmenn Fiskistofu gera reglulega lengdarmælingar á fiski, bæði í eftirlitsferðurm og við löndun afla. Markmið mælinganna er að fylgjast með hlutfalli smáfisks í afla.

Ef hlutfall smáfisks fer yfir viðmiðunarmörk samkvæmt fyrirliggjandi ráðgjöf Hafrannsóknarstofnunnar er viðkomandi svæði lokað tímabundið. Slíkar lokanir eru nefndar skyndilokanir.

Skyndilokanir:

• gilda almennt í tvær vikur.

• eru tilkynntar af Landhelgisgæslu Íslands á rás 16.

• eru auglýstar á vef Fiskistofu.

• eru birtar í Hafsjá.

• eru lesnar upp eftir veðurfréttir í hádegisútvarpi RÚV.

Reglugerðarlokanir

Veiðisvæðum getur verið lokað með reglugerð á grundvelli viðeigandi laga.

Reglugerðarlokanir geta verið:

• tímabundnar.

• á afmörkuðu tímabili ár hvert.

• til óákveðins tíma.

Markmið reglugerðarlokanna er að:

• vernda tilteknar fisktegundir eða smáan fisk.

• koma í veg fyrir skaðlegar veiðar.

• vernda viðkvæm hafsvæði og botnvistkerfi.

• vernda hrygningafisk.

Hrygningarstopp

Hrygningarstopp fela í sér tímabundna lokun veiðisvæða til verndar hrygningarfiski. Slíkar lokanir eru að jafnaði settar á vorin.

Hrygningarstopp eru tilkynnt á vef Fiskistofu og birt í Hafsjá.

Markmið hrygningarstoppa er að:

• auka líkur á að hrygning og klak heppnist vel.

• minnka veiðiálag á hrygningarslóðum.

• stuðla að betri viðkomu fiskistofna.

Upplýsingar um lokuð svæði

Á Hafsjá er að finna yfirlit yfir öll svæði þar sem veiðar eru bannaðar, bæði vegna:

• skyndilokana,

• reglugerðarlokana, þar á meðal hrygningrastopps.

Athugið

Reynt er eftir fremsta megni að halda upplýsingum á Hafsjá uppfærðum á hverjum tíma.
Komi fram misræmi milli upplýsinga í Hafsjá og upplýsinga sem birtar eru með stjórnskipulegum hætti, gilda opinberlega birtar reglur og tilkynningar.

Hvernig skoða á upplýsingar um lokanir í Hafsjá

Með því að: