Sýslumenn opnuðu fyrir stafræna umsókn stæðiskorta árið 2023 og þurfa hreyfihamlaðir einstaklingar ekki lengur að koma til sýslumanns til að sækja um kort og skila inn passamynd. Þau þurfa aðeins eina heimsókn til heimilislæknis sem metur hversu langan tíma viðkomandi þarf á stæðiskorti að halda og sendir vottorð með þeim upplýsingum stafrænt í kerfi sýslumanna, þegar því er lokið fer umsækjandi inn á Ísland.is og sækir um stæðiskort.

Núna er ferlið svona:

• Læknir staðfestir þörf á stæðiskorti og sendir læknisvottorð rafrænt til sýslumanns (á við bæði þegar sótt er um í fyrsta sinn og við endurnýjun)

• Í framhaldinu skráir umsækjandi sig inn með rafrænum skilríkjum og fyllir út umsókn um stæðiskort.

• Ef sótt er um fyrir barn velur forsjáraðili það barn sem um ræðir og heldur umsóknarferli áfram, alltaf þarf að hlaða inn mynd af barni.

• Aðrir geta valið að hlaða inn mynd eða nýtt gæðamerkta mynd úr ökuskírteinakerfi.

• Umsækjendur velja svo hvort þeir vilji fá kortið sent heim eða sækja á valda skrifstofu sýslumanna.

Sjá nánar hér: https://www.svef.is/winners/tilnefningar-2023/