Árlega veita Samtök sveitarfélaga á Norðurlandi vestra viðurkenningu, Byggðargleraugun, til ráðuneytis, stofnunar eða fyrirtæki sem hafa stuðlað að uppbyggingu starfa í landshlutanum eða fjölgað störfum eða verkefnum á svæðinu. Sýslumaðurinn á Norðurlandi vestra var önnur tveggja stofnana til að hljóta þessa viðurkenningu í ár fyrir framsækið starf í þágu ríkisþjónustu á landsbyggðinni með öflun nýrra verkefna og fjölgun starfa. Í frétt á síðu SSNV segir meðal annars:

„Fjölgun starfsfólks og viðvera á svæðinu endurspegla aukið traust á getu embættisins til að sinna verkefnum með fagmennsku og árangri. Með öflugri þjónustu, fagmennsku og framúrskarandi aðlögunarhæfni að breyttum kröfum hefur sýslumannsembættið á Norðurlandi vestra sýnt fram á að stjórnsýsla ríkisins getur dafnað á landsbyggðinni og jafnframt veitt mikilvægt mótvægi gegn miðstýringu. Embættið er þannig fyrirmynd annarra opinberra stofnana þegar kemur að því að dreifa ríkisþjónustu og störfum með byggðasjónarmið að leiðarljósi“.

Hér má lesa nánar um Byggðargleraugun 2025