Algengar spurningar um þjónustu Ísland.is

Til að sjá þau umboð sem þú hefur þarftu að vera í umboðskerfinu og velja hnappinn „hefur umboð fyrir“, þar sjást þau umboð sem þú hefur ásamt þeim sem eru runnin út.

Í hliðarvalmynd á mínum síðum:

Minn aðgangur –> umboðskerfi

Til að gefa umboð inn á Mínar síður er valið Ísland.is undir Flokkar og Mínar síður – minarsidur.island.is undir Þjónusta.

Svo eru valin viðeigandi hlutverk eftir því hvaða aðgang á að veita. Leiðbeiningar fyrir veitingu umboða inn á fjármálahluta.

Allsherjarumboð:

Hefur heimild til að skoða allt undir Mínum síðum á Ísland.is ásamt pósthólfinu.

Pósthólf:

Hefur heimild til að skoða þau skilaboð sem eru í pósthólfinu á Ísland.is

Launafulltrúi:

Hefur heimild til að skoða launagreiðendakröfur sem sýna opinber gjöld, utan staðgreiðslu, sem dregin eru af starfsmönnum.

Bókari:

Hefur heimild til að skoða stöðu við ríkissjóð og stofnanir, hreyfingar, greiðsluseðla og greiðslukvittanir. Starfsmenn sveitarfélaga fá heimild til að skoða útsvar sem skilað er til sveitarfélagsins.

Fjármálastjóri:

Hefur heimild til að skoða allt innan fjármála, þ.e. stöðu við ríkissjóð og stofnanir, hreyfingar, greiðsluseðla, greiðslukvittanir og launagreiðendakröfur. Fjármálastjórar sveitarfélaga sjá einnig útsvar sem skilað er til sveitarfélagsins.

Panta Íslykil

Hægt er að velja þrjár leiðir til að fá Íslykil sendan:

• Í heimabanka

• Í bréfpósti á lögheimili

• Í sendirráð

Ef þú vilt eingöngu nota rafræn skilríki og vilt ekki að hægt sé að tengjast nafninu þínu með Íslykli ferð þú inn á Mínar síður á Ísland.is.

• Velur Minn aðgangur og svo Stillingar

• Velur Innskráning: Íslykill og rafræn skilríki

Þá opnast viðmót þar sem hægt er að velja að nota eingöngu rafræn skilríki. Lokað verður á möguleikann að tengjast með Íslykli í þínu nafni og aðeins opnað aftur á Íslykilinn ef þú breytir því innskráður með rafrænum skilríkjum eða mætir í eigin persónu í afgreiðslu Þjóðskrár Íslands sem sér um útgáfu Íslykla.

Fylla þarf út umsókn að innskráningarþjónustunni. Athugið að nauðsynlegt er að hafa umboð frá lögaðila til að geta sent inn umsókn. Nánar um innskráningarþjónustuna.

• Sæktu veskisapp í símann þinn. Þú getur t.d. notað íslenska Smartwallet appið.

• Opnaðu veskisapp og skannaðu QR-kóðann eða ýttu á Sækja ökuskírteinið.

• Bættu skírteininu við í veskisappið í símanum þínum.

• Þegar þú þarft að nota skírteinið þá opnar þú veskisappið og sýnir skírteinið.

• Skannaðu QR-kóðann úr skjalinu sem þú færð sent, með myndavélinni í símanum þínum eða ýttu á hnappinn Sækja ökuskírteinið.

• Smelltu á tengilinn sem birtist og bættu skírteininu við í Apple Wallet appið í símanum þínum.

• Þegar þú þarf að nota skírteinið þá opnar þú Apple Wallet appið og sýnir skírteinið.

Nei, eins og er gildir stafræna ökuskírteinið bara á Íslandi.

Nei, það er einungis hægt að hafa ökuskírteinið í einum síma. Ef það er sett upp á öðrum síma afvirkjast það í fyrsta tækinu.

Ef þú færð villu þegar þú hefur lokið umsókninni þá er það vegna þess að upplýsingar vantar í ökuskírteinagrunn, t.d. mynd. Líklega ert þú með gamalt ökuskírteini á pappír, gefið út fyrir 1998, en ekki nýrri plastkortin. Best er að hafa samband við sýslumann á þínu svæði til að endurnýja ökuskírteinið og fá nýju útgáfuna. Við það opnast möguleikinn á að fá stafrænt ökuskírteini.

Í Apple Wallet þarf að bæta ökuskírteininu við með því að smella á „Add“ efst í hægra horni. Þá getur veskisforritið sótt upplýsingar úr ökuskírteinaskrá.

Markmið stafrænna ökuskírteina er að sanna ökuréttindi fyrir lögreglu.

Nei, til þess að fá útgefið rafrænt skilríki hjá Auðkenni þarf að framvísa vegabréfi eða hefðbundnu ökuskírteini.

Það eru tvær leiðir til að sjá hvort skírteinið sé virkt í símanum

1. Á strikamerkinu kemur fram dagsetning og tímasetning á því hvenær síðast var sannreynt að ökuskírteini var í gildi.

2. Hægt er að sjá bakhlið ökuskírteinisins

• Í iOS símum er það gert með því að smella á 3 punkta

• Í Android símum er það gert með því að smella á „i“

Þjónustuveitendur geta skipt út return urli sjálfir á þjónustuvef innskráningarþjónustunnar. Leiðbeiningar um notkun þjónustuvefs innskráningarþjónustunnar, í kafla 2.

Aðeins prókúruhafar hafa aðgang inn á þjónustuvefinn en þeir geta veitt öðrum aðgang, sjá nánar í leiðbeiningum.

Ef breyta þarf lógói má senda það á stafraentisland@fjr.is.

Yfirlit yfir þau umboð sem þú hefur veitt er í umboðskerfinu á mínum síðum.

Þú velur fyrst hvort þú vilt skoða umboðskerfið sem einstaklingur eða fyrirtæki sem þú hefur prókúru fyrir.

Þar er hægt að smella á „veitt umboð“. Þá birtist yfirlit yfir þau umboð sem þú hefur veitt.