Umboð Sjúkratrygginga Íslands

Á skrifstofum og útibúum sýslumanna eru umboð fyrir Sjúkratryggingar Íslands, sem leita má til með málefni sem heyra undir stofnunina.

Sjúkratryggingar Íslands taka meðal annars þátt í eftirfarandi kostnaði almennings vegna heilbrigðisþjónustu:

• lækniskostnaði

• tannlæknakostnaði

• lyfjakostnaði

• kostnaði við kaup á hjálpartækjum 

• kostnaði við ferðir og sjúkraflug

• erlendum sjúkrakostnaði

Umboðin annast greiðslu á reikningum vegna ferðakostnaðar og taka á móti gögnum sem þau senda áfram til Sjúkratrygginga Íslands til frekari úrvinnslu.

Allar frekari upplýsingar um Sjúkratryggingar Íslands og réttindi til sjúkra-, slysa- og sjúklingatrygginga má finna á vef Sjúkratrygginga Íslands.