• Athugið

Tvö hundruð þúsundasti Íslykillinn

27.6.2016

Um miðjan apríl 2016 var tvö hundruð þúsundasti Íslykillinn gefinn út. Útgáfa Íslykla hófst fyrir þremur árum, í apríl 2013. Íslykillinn er hluti af innskráningarþjónustu Ísland.is sem veitir aðgang að einstaklingsmiðuðum síðum yfir 200 þjónustuveitenda, stofnana, sveitarfélaga, félagasamtaka og fyrirtækja. Daglegar innskráningar eru 10 til 15 þúsund.
Þjóðskrá Íslands þakkar almenningi og þjónustuveitendum frábærar viðtökur Íslykilsins og Innskráningarþjónustu Ísland.is.
Ekki er vitað hver fékk úthlutað tvö hundruð þúsundasta Íslyklinum þar sem allar upplýsingar um Íslykla og eigendur þeirra eru rækilega dulkóðaðar.