Rjúpnaveiðitímabilið hafið

26.10.2012

Rjúpnaveiðitímabilið er hafið og stendur til sunnudagsins 25. nóvember. Veiðidagar í ár eru 9 eins og í fyrra. Leyfilegt er að veiða föstudaginn 26. október til sunnudagsins 28. október og þrjár helgar í nóvember, 3. og 4., 17. og 18. og 24. og 25. nóvember. Sölubann gildir áfram á rjúpu og öllum rjúpnaafurðum. Áfram er friðað fyrir veiði á ákveðnu svæði á Suðvesturlandi og verður virkt eftirlit með veiðum á landi og úr lofti. Rjúpnaskyttur eru sem fyrr hvattar til að stunda hófsamar og ábyrgar veiðar. Þá hvetur Náttúrufræðistofnun Íslands rjúpnaskyttur til að klippa annan vænginn af rjúpum sem þær veiða og senda til rannsókna á stofnunina.
Fréttatilkynning Umhverfisstofnunar
Rafræn veiðidagbók rjúpnaveiða