Viðmiðunargengi við útreikning á greiðslum Tryggingastofnunar

27.9.2010

Vegna óvissu í efnahagsmálum var tekin sú ákvörðun í ársbyrjun 2009 að greiðslur Tryggingastofnunar yrðu reiknaðar út frá gengi krónunnar eins og það var í janúar 2008. Um tímabundna undanþágu var að ræða frá Félags- og tryggingamálaráðuneytinu til að koma til móts við greiðsluþega sem voru með tekjur í öðrum gjaldmiðli. Um áramótin féll sú tímabundin undanþága niður.

Ef um erlendar tekjur er að ræða miðast útreikningur bóta Tryggingastofnunar á árinu 2010 við meðalgengi krónunnar eins og það var skráð samkvæmt Seðlabanka Íslands í október 2009.

Uppgjör bóta ársins 2010 verður reiknað eftir meðalgengi ársins 2010.

Við útreikning bóta ársins 2010 er til bráðabirgða miðað við gengi í október 2009 sem sjá má á vef Tryggingastofnunar.