Dagdvöl aldraðra

Aldraðir sem þurfa reglulega umönnun til að geta dvalið sem lengst á eigin heimili geta sótt um að komast í dagvist fyrir aldraða.

Dagdvöl

Dagvist aldraðra í ýmsum sveitarfélögum
Reykjavík  Fljótsdalshérað (dægradvöl) 
Garðabær  Akureyri (dagþjónusta)
Hjúkrunar- , dvalar- og dagvistarrými, skipt eftir svæðum
Öldrunarmál á vef velferðarráðuneytis 

  • Sækja þarf um dagvist á eyðublöðum sem fást hjá velferðar-/félagsþjónustu sveitarfélaganna. Umsóknarferli er misjafnt eftir sveitarfélögum en upplýsingar þar má fá hjá velferðar-/félagsþjónustum, viðkomandi dagdvöl eða þeim sem sjá um þjónustu og hjúkrun aldraðra hjá sveitarfélaginu.
  • Dagdvöl getur verið einn eða fleiri daga vikunnar eftir þörfum.
  • Í dagdvöl aldraðra á að meta heilsufar, veita hjúkrunarþjónustu, félagslega ráðgjöf og aðstoð við athafnir daglegs lífs, allt eftir þörfum hvers og eins.
  • Sú þjónusta sem dagdvöl felur í sér getur verið:
    • Fæði.
    • Leikfimi og þjálfun.
    • Hvíldaraðstaða.
    • Tómstundaiðja.
    • Böðun.
    • Akstur að heiman og heim.
  • Víða er starfsemi dagdvalar á sama stað og í samvinnu við þjónustumiðstöðvar sveitarfélaganna og mögulegt að fá aðgang að starfsemi sem þar fer fram.
  • Greitt er gjald fyrir hvern dvalardag og er akstur innifalinn í dvalargjaldi.

Vert að skoða

Lög og reglugerðir