Dagvist aldraðra

Aldraðir sem þurfa reglulega umönnun til að geta dvalið sem lengst á eigin heimili geta sótt um að komast í dagvist fyrir aldraða.

Dagdvöl

Sækja þarf um dagvist á eyðublöðum sem fást hjá velferðar-/félagsþjónustu sveitarfélaganna. Umsóknarferli er misjafnt eftir sveitarfélögum en upplýsingar þar má fá hjá velferðar-/félagsþjónustum, viðkomandi dagdvöl eða þeim sem sjá um þjónustu og hjúkrun aldraðra hjá sveitarfélaginu.

Dagdvöl getur verið einn eða fleiri daga vikunnar eftir þörfum.

Í dagdvöl aldraðra á að meta heilsufar, veita hjúkrunarþjónustu, félagslega ráðgjöf og aðstoð við athafnir daglegs lífs, allt eftir þörfum hvers og eins.

Sú þjónusta sem dagdvöl felur í sér getur verið:

• Fæði.

• Leikfimi og þjálfun.

• Hvíldaraðstaða.

• Tómstundaiðja.

• Böðun.

• Akstur að heiman og heim.

Víða er starfsemi dagdvalar á sama stað og í samvinnu við þjónustumiðstöðvar sveitarfélaganna og mögulegt að fá aðgang að starfsemi sem þar fer fram.

Greitt er gjald fyrir hvern dvalardag og er akstur innifalinn í dvalargjaldi.

Vert að skoða

• Hverfið mitt, hverfavefir Reykjavíkurborgar

• Sveitarfélög

• Öldrunarmál á vef stjórnarráðsins

Lög og reglugerðir

• Reglugerð um dagvist aldraðra