Réttindi og fjármál

Nauðsynlegt er að sá sem þiggur bætur kynni sér hvaða skattareglur gilda um bætur. Vasapeningar og slysa- og sjúkradagpeningar eru skattskyldir en skattlagðir eftir á.

Allir launamenn greiða í lífeyrissjóð samkvæmt lögum. Sjóðsfélagi, sem greitt hefur í sjóð í minnst tvö ár, á rétt á örorkulífeyri ef starfsorkutap er metið 50 prósent eða meira og veldur tekjuskerðingu.

Tryggingastofnun ríkisins (TR) metur örorku þeirra sem sækja um örorkulífeyri eftir settum reglum. Stofnuninni er heimilt að setja það skilyrði að umsækjandi gangist undir sérhæft mat á möguleikum til endurhæfingar áður en til matsins kemur.