ef eitthvað er ófullnægjandi þá er það ekki nógu mikið eða nógu gott miðað við það sem er krafist eða gert ráð fyrir

ógilding á einhverju felst í því að það er fellt úr gildi og hætt við það; t.d. felur ógilding *samnings í sér að hann gildir ekki lengur

ef eitthvað er óheimilt þá er það bannað

ef eitthvað er ókeypis þá kostar það ekki neitt

það sem er ólöglegt er ekki leyfilegt samkvæmt lögum

ólögmætur er það sama og *ólöglegur

fólk sem er ólögráða hefur ekki full réttindi, t.d. til að kjósa eða ráða yfir eigin fjárhag; börn og unglingar undir 18 ára aldri eru t.d. ólögráða

ónýttur persónuafsláttur er sá hluti *persónuafsláttar sem maður hefur ekki notað, t.d. vegna þess að maður hefur verið tekjulaus í einhvern tíma; *hjón eða fólk í *sambúð getur líka nýtt sér ónýttan persónuafslátt *maka síns eftir ákveðnum reglum ef hann nýtir ekki allan persónuafslátt sinn sjálfur