Leikskólar

Fyrsta skólastigið

• Leikskólinn er fyrsta skólastigið og er hann ætlaður börnum undir skólaskyldualdri, það er undir sex ára aldri. Hann er ætlaður öllum börnum, óháð andlegu og líkamlegu atgervi, menningu eða trú.
• Foreldrar bera frumábyrgð á uppeldi barna sinna en leikskólauppeldið er viðbót.

Umsókn

• Foreldrar sækja um leikskóladvöl fyrir barn sitt í því sveitarfélagi þar sem barnið er skráð með lögheimili. Leikskólarnir eru ýmist reknir af sveitarfélögum, einkareknir eða einkareknir með þjónustusamning við sveitarfélagið.

• Í sumum sveitarfélögum er hægt að sækja um við fæðingu barns en hjá flestum sveitarfélögum gilda aldurstakmörk.
• Sótt er um leikskólavist á vefjum þjónustumiðstöðva, sveitarfélaga og leikskóla.
  Sveitarfélög á landinu
  Leikskólar á landinu  

• Í flestum sveitarfélögum þurfa foreldrar að greiða ákveðið gjald fyrir leikskóladvöl barna sinna. Leikskólagjald er innheimt 11 mánuði á ári en gert er ráð fyrir að barn taki fjögurra vikna samfellt sumarleyfi. Upplýsingar um gjaldskrá leikskóla er að finna á vefjum sveitarfélaga.
• Einstæðir foreldrar og námsmenn fá ákveðinn afslátt af leikskólagjaldi. Þá er einnig veittur systkinaafsláttur. Upplýsingar um afslátt fyrir ákveðna hópa er að finna á vefjum sveitarfélaga.
• Ráðgjafar- og sálfræðiþjónusta þjónustumiðstöðva hverfa í Reykjavík sinnir sérfræðiþjónustu við leikskóla í borginni. Í öðrum sveitarfélögum er þjónustan oft hjá fræðslu- eða fjölskyldudeildum. Skólar vísa málum til þjónustunnar með samþykki foreldra og einnig geta foreldrar leitað beint eftir aðstoð.
• Leikskólinn skal leggja grunn að íslenskukunnáttu barna sem eiga annað móðurmál en íslensku og kynna þeim íslenskt samfélag.
• Biðlistar eru á mörgum leikskólum og geta því foreldrar og barn þeirra þurft að bíða eftir plássi í einhvern tíma. Oftast raðast börn á biðlista eftir aldri, þau elstu fyrst. Oft er plássum úthlutað á tímabilinu mars til maí ár hvert.
• Algengast er að börn sæki leikskóla frá 18 mánaða aldri þar til þau hefja nám í grunnskóla. Börn dvelja allt frá fjórum klukkustundum upp í níu klukkustundir, hvern virkan dag á leikskólum.
• Þegar barn byrjar í leikskóla er gerður dvalarsamningur milli skólans og foreldris og er gagnkvæmur uppsagnarfrestur einn mánuður.
• Gæsluleikvellir eru starfræktir í flestum stærri sveitarfélögum og er opnunartími misjafn eftir árstíðum. Þeir eru ætlaðir yngri börnum og er aldurtakmark misjafnt. Nánari upplýsingar finnast á vefjum sveitarfélaga.
• Sveitarfélögum er heimilt að reka saman leikskóla, grunnskóla og tónlistarskóla undir stjórn eins skólastjóra.
  Börnin okkar, samtök foreldrafélaga leikskóla í Reykjavík
  Heimili og skóli, landssamtök foreldra

Réttindi fatlaðra

• Fötluð börn eiga rétt á leikskóladvöl samkvæmt lögum. Hana á að veita á almennum leikskólum með nauðsynlegri stuðningsþjónustu eða á sérhæfðum deildum.
• Svæðisskrifstofur um málefni fatlaðra veita ráðgjöf, upplýsingar og þjónustu.
• Öryrkjar fá ákveðinn afslátt af leikskólagjaldi. Nánari upplýsingar um afslátt fyrir ákveðna hópa er að finna á vefjum sveitarfélaga.

Menntun og atvinna fatlaðra og öryrkja á island.is
Leikskólar á landinu

Vert að skoða

• Daggæsla í heimahúsum á island.is
• Fjölmenning á leikskólum
• Menntasvið og leikskólasvið Reykjavíkurborgar
• Mentor, upplýsingavefur leikskóla og grunnskóla víða um land
• Netla, vefrit um uppeldi og menntun
• Ný menntastefna, vefur mennta- og menningarmálaráðuneytis
• Svæðisskrifstofur um málefni fatlaðra

Lög og reglugerðir

• Leiðbeinandi reglur varðandi umsóknir um forgang að leikskóla
• Lög og reglur um skólastarf á vef menntasviðs og leikskólasviðs Reykjavíkurborgar
• Lög um leikskóla
• Reglugerð um starfsemi leikskóla
  

Senda grein