Háskólar
Háskólar
“Hlutverk háskóla er að stuðla að sköpun og miðlun þekkingar og færni til nemenda og samfélagsins alls.” Úr annarri grein laga um háskóla.
Yfirlit
Nám á háskólastigi
- Íslenskir háskólar eru miðstöð þekkingar og hluti af alþjóðlegu mennta- og vísindasamfélagi.
- Hér á landi eru starfandi sjö háskólar. Ríkisháskólar eru fjórir en sjálfseignarstofnanir þrjár.
- Þeir sem hyggja á nám í háskóla skulu hafa lokið stúdentsprófi eða jafngildu prófi. Leyfilegt er að ákveða sérstök inntökuskilyrði í háskóla og láta nemendur gangast undir inntökupróf eða stöðupróf.
- Heimilt er að innrita nemendur sem ekki hafa tekið stúdentspróf eða sambærilegt próf en búa að mati viðkomandi háskóla yfir jafngildum þroska og þekkingu.
- Þá hafa háskólar, að undangengnu samþykki mennta- og menningarmálaráðuneytis, leyfi til að bjóða upp á aðfararnám fyrir þá sem ekki uppfylla inntökuskilyrði.
- Allar nánari upplýsingar um inntökuskilyrði og inntökureglur háskóladeilda ásamt kennslu- og námskrám, umsóknareyðublöðum og upplýsingum um skráningar- og skólagjöld er að finna á vefjum háskólanna.
Háskólar hér á landi á vef Alþjóðskrifstofu háskólastigsins - Boðið er upp á fjarnám í nokkrum háskólanna. Samstarf er við sveitarfélög, háskóla- og þekkingasetur og símenntunar- og fræðslumiðstöðvar víðs vegar um land. Allar nánari upplýsingar er að finna á vefjum námsdeilda sem bjóða upp á fjarnám.
- Margir ákveða að sækja sér háskólamenntun í útlöndum. Mikilvægt er að kynna sér vel allt sem viðkemur námi og búsetu erlendis með góðum fyrirvara.
Leit að skóla á vef Lánasjóðs íslenskra námsmanna
Upplýsingastofa um nám erlendis á vef alþjóðaskrifstofu háskólastigsins - Flestir taka lán til að framfleyta sér meðan á háskólanámi stendur. Lánasjóður íslenskra námsmanna veitir lán til námsmanna. Allar nánari upplýsingar um námslán er að finna á vef LÍN.
Lánasjóður íslenskra námsmanna - Háskólanemum standa til boða margs konar styrkir til náms og rannsókna, hér heima og í útlöndum. Allar nánari upplýsingar er að finna á vef Alþjóðaskrifstofu háskólastigsins.
Handbók um styrki á vef Alþjóðaskrifstofu háskólastigsins
Vert að skoða
- Að hefja nám í Háskóla Íslands
- Alþjóðaskrifstofa Háskólans í Reykjavík
- Alþjóðaskrifstofa háskólastigsins
- Fræðasetur Háskóla Íslands
- Inntaka nýnema í Listaháskóla Íslands
- Landbúnaðarháskóli Íslands: erlend samskipti
- Námsmenn á leið til útlanda á vef Sambands íslenskra námsmanna erlendis
- Námsmenn erlendis á vef TR
- Námsmenn í útlöndum á vef SÍNE
- Tenglasafn mennta- og menningarmálaráðuneytis um menntamál
- Upplýsingar fyrir nemendur um Háskólann á Bifröst
- Upplýsingar og aðstaða í Háskólaþorpinu á Hvanneyri
- Upplýsingar um alþjóðlegt samstarf Háskólans á Bifröst
- Yfirlit yfir deildir og námsframboð í Háskólanum á Akureyri
