Fyrstu dagarnir

Allir einstaklingar búsettir á Íslandi eru skráðir í Þjóðskrá Íslands og þurfa að hafa kennitölu sem er tíu stafa tala. Segja má að hún sé lykillinn að samfélaginu.

Sá sem dvelur á Íslandi í sex mánuði eða lengur skal eiga lögheimili hér á landi. Lögheimili er sá staður þar sem höfð er föst búseta.

Allir, 18 ára og eldri, sem flytja til Íslands til að búa eða vinna lengur en þrjá mánuði, eiga að tilkynna aðsetur sitt hérlendis innan sjö daga frá komu.