Heilbrigðisþjónustan

Á innskriftarmiðstöðvum og ýmsum deildum sjúkrahúsa fá þeir sem kallaðir eru inn til aðgerða almennar upplýsingar og fræðslu.

Heilbrigðisþjónusta tekur til hvers kyns heilsugæslu, heilbrigðiseftirlits, lækningarannsókna, lækninga, hjúkrunar í sjúkrahúsum, læknisfræðilegs endurhæfingarstarfs, tannlækninga og sjúkraflutninga.

Sjúkrahótel er millistig milli sjúkrahúss og hótels. Þar dveljast sjúklingar í endurhæfingu og þeir sem þurfa heilsu sinnar eða aðstandenda vegna að sækja þjónustu utan heimabyggðar.