Önnur rekstrarform

Sameignarfélag

• Eigendur sameignarfélags ábyrgjast með öllum eigum sínum, einn fyrir alla og allir fyrir einn, skuldir félagsins. Ábyrgðin er bein, óskipt og ótakmörkuð.
  Félagaréttur á vef efnahags- og viðskiptaráðuneytis
• Um sameignarfélög gilda engin sérstök lög en víða í löggjöfinni er að finna ýmis ákvæði.
• Mikilvægt er að eigendur geri nákvæman og ítarlegan stofnsamning við upphaf rekstrar vegna ábyrgðarinnar sem hvílir á hverjum og einum eiganda.
• Sameignarfélag á að skrá hjá sýslumanni viðkomandi umdæmis. Félagið þarf kennitölu og úthlutar ríkisskattstjóri henni gegn framvísun skráningarkvittunar frá sýslumanni.
  Firmaskráning á vef sýslumanna
  Skráning í fyrirtækjaskrá, rsk.is
  Skráning kennitölu, rsk.is
• Sameignarfélag sem greiðir laun þarf að skrá á launagreiðendaskrá hjá skattstjóra viðkomandi umdæmis.
  Eyðublöð staðgreiðslu, tryggingargjalds og fjármagnstekna, rsk.is
  Skattyfirvöld á landinu
• Tvö tekjuskattsþrep gilda um sameignarfélög og fer skattlagning eftir því hvort félagið er skráð sem sjálfstæður skattaðili eða ekki. Ef ekki, eru einstakir félagsmenn skattlagðir eftir eignarhluta.

Nokkur önnur rekstrarform

• Samvinnnufélög, eru eins og nafnið bendir til stofnuð á grundvelli samvinnu og miða að því að efla hag félagsmanna eftir viðskiptalegri þátttöku þeirra í félaginu, samanber kaupfélögin. Félagatala er óbundin og félagsmenn bera ekki persónulega ábyrgð á heildarskuldbindingum.
• Samvinnnufélög þarf að skrá í fyrirtækjaskrá.
  Eyðublöð fyrirtækja- og hlutafélagaskrár, rsk.is
• Sjálfseignarstofnun, eins og nafnið gefur til kynna, á sig sjálf. Sjálfseignarstofnun er sett upp með ákveðnu stofnfé og með hagsmuni félagsins fer sérstök stjórn. Hvorki stofnendur né stjórnin ber ábyrgð á skuldbindingum.
• Sjálfseignarstofnun sem stundar atvinnurekstur, þarf að skrá í sjálfseignarstofnanaskrá ríkisskattstjóra.
  Skráning sjálfseignarstofnunar (ses) í atvinnurekstri, rsk.is
• Samlagsfélag er blanda af sameignarfélagi og hlutafélagi. Að minnsta kosti einn aðili ber ótakmarkaða ábyrgð á skuldbindingum félagsins. Aðrir bera takmarkaða ábyrgð sem miðuð er við tiltekna fjárhæð eða hlutfall.

Vert að skoða

• Félagaréttur á vef efnahags- og viðskiptaráðuneytis
• Firmaskrá Íslands: - eyðublöð, tilkynningar, beiðnir og leiðbeiningar
• Fyrirtækjaskrá
• Lögbirtingablaðið

Lög og reglugerðir

• Lög um ársreikninga
• Lög um samvinnufélög
• Lög um sjálfseignarstofnanir sem stunda atvinnurekstur
• Lög um sjóði og stofnanir sem starfa samkvæmt staðfestri skipulagsskrá
• Lög um staðgreiðslu opinberra gjalda
• Lög um tekjuskatt
• Lög um verslanaskrár, firmu og prókúruumboð