Við andlát ættingja og vina verða þáttaskil sem marka spor í líf fólks. Sorg og önnur viðbrögð við andláti eru mismunandi og einstaklingsbundin og taka oft mið af aðdraganda andláts, sem getur verið langur eða alls enginn.
|
Í barnalögum er kveðið á um að verði barn forsjárlaust vegna andláts foreldra hverfi forsjá til barnaverndarnefndar. Þetta á bara við ef báðir forsjárforeldrar eru látnir og stjúpforeldri ekki til staðar. |
Við andlát þarf að skipta dánarbúi samkvæmt lögum. Dánarbú er lögaðili sem tekur við fjárhagslegum skyldum og réttindum sem bundin eru við persónu hins látna. |
Kirkjugarðar og grafreitir eru friðhelgir samkvæmt lögum. Ekki má í nánd við kirkjugarða reisa mannvirki, starfrækja stofnanir eða reka fyrirtæki sem frá stafar hávaði eða ys. |
Við skipulagningu útfarar er æskilegt að fara að óskum hins látna ef þær liggja fyrir og taka nauðsynlegar ákvarðanir í ljósi þeirra. Útfarir geta farið fram í kirkjum, kapellum, bænhúsum, samkomuhúsum trúfélaga, heimahúsum og ýmsum öðrum samkomustöðum.
|
Útför er kveðjuathöfn samfélagsins. Við útfarir sýnir fólk hinum látna þakklæti sitt og virðingu og aðstandendum samúð. |
