Skattar á vöru og þjónustu

Það eru ýmis gjöld og skattar sem leggjast á vöru og þjónustu. Þeir helstu eru virðisaukaskattur og vörugjöld.

Virðisaukaskattur

Virðisaukaskattur er almennur neysluskattur og leggst á öll viðskipti innan lands. Hann er einnig lagður á innflutta vöru og þjónustu.
Þrep virðisaukaskatts eru tvö, 7% og 25,5%.
Almennt er virðisaukaskatturinn 25,5%.
Öll matvæli bera 7% virðisaukaskatt ásamt afnotagjöldum, sölu tímarita, hjómdiska og bóka, sölu á heitu vatni , rafmagni og olíu til hitunar húsa og laugarvatns. Einnig ber veitinga- og hótelþjónusta 7% virðisaukaskatt.
Undanþegin virðisaukaskatti eru:
- Heilbrigðisþjónusta og félagsleg þjónusta.
- Rekstur skóla og ýmis kennsla.
- Íþróttastarfsemi og ýmis menningarstarfsemi.
- Fólksflutningar og póstþjónusta.
- Fasteignaleiga og útleiga bifreiðastæða.
- Vátryggingastarfsemi, þjónusta lánastofnana og verðbréfamiðlun.
- Happdrætti og getraunastarfsemi.
- Ýmis listastarfsemi og þjónusta ferðaskrifstofa.
- Útfararþjónusta og prestþjónusta hvers konar.

Almennt vörugjald er gjald sem leggst á vörur við innflutning eða framleiðslu innanlands. Vörugjöld á matvæli hafa verið afnumin nema á sykur og sætindi.
Greiða þarf áfengisgjald af neysluhæfu áfengi sem flutt er til landsins eða framleitt er hér á landi, hvort sem það er ætlað til sölu eða eigin nota.
Við innflutning ökutækja leggjast á vörugjöld eftir stærð aflvélar.