Bifreiðatryggingar og -gjöld

Bifreiðagjöld og iðgjöld skyldutrygginga eru fastur kostnaður sem fylgir því að reka bifreið.

Bifreiðatryggingar

Skylt er að tryggja allar bifreiðar hjá tryggingafélagi með ábyrgðar- og slysatryggingu.
Aðrar bifreiðatryggingar er frjálst að kaupa, til að mynda bílrúðu- og kaskótryggingar sem bæta tjón á eigin bifreið.
Ábyrgðartrygging bætir allt tjón sem aðrir verða fyrir af völdum ökutækis.
Slysatrygging greiðir ökumanni bifreiðar bætur ef hann slasast og einnig eiganda hennar sé hann farþegi í eigin bíl.
Við eigendaskipti bifreiða getur kaupandi tilgreint hjá hvaða tryggingafélagi hann vill tryggja bílinn og er það tilkynnt viðkomandi félagi.

Bifreiðagjald er skattur sem leggst á öll ökutæki sem skráð eru hér á landi. Upphæð gjaldsins fer eftir þyngd ökutækis.
Reiknivél og umfjöllun um bifreiðagjald á vef Ríkisskattstjóra (RSK)
Bifreiðagjald er greitt tvisvar á ári og innheimtu þess annast tollstjóri.
Séu bifreiðagjöld ekki greidd á tilskildum tíma mega lögregla og skoðunaraðilar klippa skráningarmerki af bifreið og er þá óheimilt að nota hana.
Þeir sem njóta örorku- eða umönnunarbóta geta átt rétt á niðurfellingu bifreiðagjalds. Einnig ellilífeyrisþegar sem fá uppbót vegna reksturs bifreiðar.

Úrvinnslugjald er lagt á öll ökutæki og innheimt árlega jafnhliða bifreiðagjaldi.
Úrvinnslugjald á vef RSK
Kílómetragjald er innheimt vegna ökutækja og eftirvagna yfir vissri þyngd.
Kílómetragjald á vef RSK
Umferðaröryggisgjald er greitt við hverja skoðun eða skráningu ökutækis og rennur til Umferðarstofu.
Bifreið má flytja tollfrjálst til landsins tímabundið að uppfylltum vissum skilyrðum.
Um tollfrjálsan innflutning bifreiða á vef Tollstjóra

Senda grein