Bifreiðakaup

Bifreiðakaup og -sala

• Bifreiðasalar bera ábyrgð á að viðskipti með ökutæki fari rétt fram og á að ganga frá öllum skjölum sem þeim viðkoma.
• Þeir sem kaupa eða selja bifreiðar án milligöngu bifreiðasala hafa ekki jafn örugga réttarstöðu og þurfa að gæta þess að rétt sé staðið að samningsgerð og frágangi skjala.

Sölugögn

• Kaupsamning og afsal á að gera á fullnægjandi eyðublöðum.
  Eyðublöð fyrir kaupsamning og afsal á vef FÍB
• Eigendaskipti bifreiða verður að tilkynna Umferðastofu. Tilkynninguna má einnig afhenda á skoðunarstofu. Nýr eigandi er þá skráður í ökutækjaskrá og fær sent nýtt skráningarskírteini. Tilkynning um eigendaskipti að ökutæki (pdf, 715 kb)
• Gæta verður þess að tilgreina tryggingarfélag kaupanda á eigendaskiptatilkynningu. Seljandi verður jafnframt að segja upp gildandi tryggingu og gera upp við sitt tryggingarfélag.
• Við sölu bifreiðar hjá bifreiðasala verða eftirfarandi gögn að liggja fyrir en þeir sem kaupa eða selja án milligöngu bifreiðasala ættu eindregið að kynna sér þau:

• Vottorð sem sannar að seljandi sé eigandi þess ökutækis sem selt er eða hafi umboð til sölunnar.
• Skrá yfir fyrri eigendur.
• Upplýsingar um tjón og viðgerðir.
• Upplýsingar um veðbönd sem hvíla á ökutækinu.

• Allar upplýsingar um skráningu og feril eigin ökutækja er hægt að sækja í ökutækjaskrá Umferðarstofu. Aðgangur að henni er í gegnum þjónustusíðu á vef Ríkisskattstjóra (RSK) með sama veflykli og notaður er við skil skattframtals. Vissar upplýsingar um önnur ökutæki má fá gegn gjaldi hjá söluaðilum ökutækjaskrár.

Sjálfsafgreiðsla Umferðarstofu
Ökutækjaskrá á þjónustusíðu RSK, skattur.is (nýr gluggi)
Um ökutækjaskrá og söluaðila hennar á vef Umferðastofu

Eigendur

• Hægt er að skrá fleiri en einn eiganda að bifreið.
  Tilkynning um meðeiganda að bifreið (pdf, 41 kb)
• Þeir sem eru yngri en 18 ára mega ekki selja eða kaupa bifreið eða vera meðeigandi að bifreið nema með leyfi sýslumanns. Leyfið verður að fylgja tilkynningu um eigendaskipti til Umferðarstofu, ella eru eigendaskiptin ekki skráð.
  Skrifstofur sýslumanna um landið

Notuð ökutæki

• Kaupendur notaðra ökutækja eiga rétt á að láta ástandsskoða ökutækið á eigin kostnað hjá óháðum aðila, án skuldbindinga um kaup. Ástandsskoðanir fara fram hjá faggildum skoðunarstofum.
• Notaða bíla, sem keyptir eru erlendis frá, þarf að nýskrá.
  Um skráningar bifreiða á island.is

Listi yfir faggiltar skoðunarstofur (pdf, 25 kb)
Um eigendaskráningu og eigendaskipti á vef Umferðarstofu
Um ökutækjaskrá á vef Umferðarstofu

Vert að skoða

• Bílgreinasamband Íslands
• Handbók neytenda: Minnislisti vegna bifreiðakaupa  
• Minnislisti vegna bifreiðakaupa hjá Félagi íslenskra bifreiðaeigenda
• Um kaup á notuðum bílum á vef Umferðarstofu
• Umferðarstofa

Lög og reglugerðir

• Reglugerð um upplýsingaskyldu í viðskiptum með notuð ökutæki