Skýringar við Icesave samninginn

Fri, 19 Jun 2009 17:31:00 +0000

Efni lánssamninga milli Tryggingarsjóðs innstæðueigenda og fjárfesta og íslenska ríkisins annars vegar og Hollands og Bretlands hins vegar. Í þessu minnisblaði verður farið yfir helstu atriði lánssamninga sem undirritaðir voru milli íslenska ríkisins og Tryggingarsjóðs innstæðueigenda og fjárfesta (íslenski sjóðurinn) annars vegar og hins vegar Hollands og Bretlands. Lánssamningarnir voru undirritaðir þann 5. júní sl. Íslenska samninganefndin byggði umboð sitt til viðræðna á ályktun Alþingis frá 5. desember sl. þar sem ríkisstjórninni var falið að leiða til lykta samninga við viðeigandi stjórnvöld vegna innstæðna í útibúum íslenskra viðskiptabanka á Evrópska efnahagssvæðinu á grundvelli þeirra sameiginlegu viðmiða sem aðilar höfðu komið sér saman um. Í tilvitnuðum sameiginlegu viðmiðum, sem samkomulag náðist um í Brussel um miðjan nóvember, segir m.a. að Ísland muni ábyrgjast lágmarkstryggingu innstæðueigenda í útibúum bankanna erlendis og að í viðræðum um fjárhagsaðstoð skuli tekið tillit til hinna erfiðu og fordæmislausu aðstæðna sem Ísland er í. Þetta voru þær gagnkvæmu forsendur sem allir samningsaðilar byggðu á í viðræðum um lausn málsins.

Upplýsinga- og þjónustuveitan island.is - Skýringar við Icesave samningana

Skýringar við Icesave samninginn