Fjármálaeftirlitið og Seðlabanki Íslands mælast til þess að fjármálafyrirtæki endurreikni lánasamninga sem að mati viðkomandi fjármálafyrirtækis innihaldi óskuldbindandi gengistryggingarákvæði sbr. dóma Hæstaréttar. Í stað gengistryggingar og erlends vaxtaviðmiðs skal miða við vexti sem Seðlabanki Íslands ákveður með hliðsjón af lægstu vöxtum á nýjum almennum óverðtryggðum útlánum eða ef verðtrygging er valin lægstu vöxtum á nýjum almennum verðtryggðum útlánum og beitt er þegar óvissa ríkir um lánakjör, nema samið sé um annað.

Fimm frumvörp er lúta að skuldavanda heimilanna voru samþykkt sem lög frá Alþingi fimmtudaginn 24. júní 2010.

Nýsköpunarmiðstöð Íslands hefur tekið saman yfirlit yfir innlenda, norræna og evrópska styrkja- og stuðningsmöguleika til að auðvelda einstaklingum og fyrirtækjum að sjá hvað í boði er. Þetta eru allt frá litlum frumkvöðlastyrkjum til stórra evrópskra áætlana í fjölmörgum atvinnugreinum, t.d. á sviði menningar og skapandi greina, orku, byggðamála og nýsköpunar.

Stjórnvöld hafa fylgst náið með ferli þessara dómsmála og hafa látið greina ítarlega áhrif mögulegra niðurstaðna Hæstaréttar.  Ákvarðanir um aðgerðir af hálfu stjórnvalda verða teknar á grundvelli þessarar greiningar.  Nánar verður skýrt frá þeim ákvörðunum á allra næstu dögum.

Áherslur átaksins snúa að Íslandi sem ferðamannastað og öllu því sem það hefur upp á bjóða s.s. menningu, náttúru, mat, afþreyingu og vellíðan. Engin fyrirtæki verða sérstaklega kynnt heldur lögð áhersla á áfangastaðinn Ísland.

Atvinnuleysi í apríl var 9% og minnkaði um 2,6% frá því í mars þegar það var 9,3%. Að meðaltali voru 14.669 atvinnulausir í mars sem er fækkun um 390 frá síðastliðnum mánuði.  Á sama tíma á árinu 2009 var atvinnuleysi 9,1%.

Skipan margra lista fyrir sveitarstjórnarkosningar, 29 maí nk., er nú aðgengileg á kosningavef dómsmála- og mannréttindaráðuneytisins, kosning.is, en upplýsingar um þá eru settar inn jafnóðum og þær berast ráðuneytinu.

Atkvæðagreiðsla utan kjörfundar vegna sveitarstjórnarkosninga 29. maí nk. er hafin í Laugardalshöll. Atkvæðagreiðslan er á vegum sýslumannsins í Reykjavík og verður opið alla daga frá kl. 10:00 til kl. 22:00.

Á næstu vikum verða haldnir 10 borgarafundir víðs vegar um landið þar sem félags- og tryggingamálaráðherra fjallar um skuldastöðu heimilanna, kynnir helstu úrræði og svarar fyrirspurnum.

Í mars 2010 voru 106 fyrirtæki tekin til gjaldþrotaskipta samanborið við 100 fyrirtæki í mars 2009, sem jafngildir 6% fjölgun milli ára.

Undanfarið hafa borist fréttir af væntanlegum lækkunum lífeyrisgreiðslna frá stærstu lífeyrissjóðum landsmanna og af því tilefni kannar Tryggingastofnun nú hvort mögulegt sé að leiðrétta núgildandi greiðsluáætlun lífeyrisþega hjá stofnuninni í samráði við lífeyrissjóðina. Leiðrétting sem myndi spara öllum hlutaðeigandi töluverða fyrirhöfn og vinnu.

National route 1 is closed from Þverá, which is to the east of Hvolsvöllur to Þorvaldseyri. The road close to Bleiksá  river, in Fljótshlíð, is impassable in places. The weather forecast for the affected area indicates westerly winds during the day becoming northerly in the evening. 

Skýrsla rannsóknarnefndar Alþingis um aðdraganda og orsök falls íslensku bankanna árið 2008 hefur verið birt. Vefútgáfu skýrslunnar er ætlað að vera aðalútgáfa skýrslunnar enda birtist þar efni sem ekki er í hinni prentuðu útgáfu, m.a. ensk þýðing á hluta skýrslunnar, tölfræðilegt efni og bréfaskipti nefndarinnar og 12 einstaklinga sem veittur var andmælaréttur um atriði sem fram koma í skýrslunni.

Nú hefur samantekt um einstakar aðgerðir stjórnvalda frá hruni íslenska efnahagskerfisins í október 2008 verið uppfærð. Þar getur að líta yfirlit þess helsta sem unnið hefur verið að á vegum hvers ráðuneytis og snertir efnahagsáfallið.

Samkomulag hefur náðst um að önnur endurskoðun efnahagsáætlunar Íslands í samstarfi við Alþjóðagjaldeyrissjóðinn (AGS) verði tekin fyrir í stjórn sjóðsins. Stefnt er að því að endurskoðunin verði rædd í framkvæmdastjórn AGS 16. apríl næstkomandi.

Undir merkjum átaksins Ungt fólk til athafna stendur ungu atvinnulausu fólki til boða að sækja ýmis konar námskeið og þjálfun á vegum Vinnumálastofnunar. Á heimasíðu stofnunarinnar getur að líta þá kosti sem nú eru í boði og eru tenglar á hvern og einn hér fyrir neðan.

Meðal þess helsta sem nú er lagt til af hálfu ríkisstjórnarinnar er stórbætt greiðsluaðlögunarfrumvarp sem bætir samningsstöðu lántakenda gagnvart sínum lánadrottnum. Samhliða nýju greiðsluaðlögunarfrumvarpi verður sett á fót embætti umboðsmanns skuldara sem  verður talsmaður lántakenda gagnvart lánardrottnum og er ekki hlutlaus. Ennfremur eru kynntar fleiri nýjungar sem bæta stöðu lántakenda enn frekar.

Stjórn Lánasjóðs íslenskra námsmanna hefur ákveðið að taka upp tímabundið greiðsluerfiðleikaúrræði sem í felst í að frysta afborganir námslána hjá sjóðnum í þrjú ár. Aðeins þeir sem eiga í verulegum fjárhagsörðugleikum geta fengið slíka fyrirgreiðslu.

Vöruskipti í febrúar voru hagstæð um tæpa 14 milljarða króna samkvæmt bráðabirgðatölum Hagstofu Íslands. Útflutningur nam 44,3 milljörðum króna og innflutningur 30,4 milljarði króna. Þetta er 18. mánuðinn í röð sem vöruskiptajöfnuðurinn er hagstæður.

Vefsíðan thjodaratkvaedi.is hefur verið opnuð í tilefni af þjóðaratkvæðagreiðslunni 6. mars nk. um lög nr. 1/2010. Þar eru útskýrð á hlutlausan hátt meginatriði máls sem varða atkvæðagreiðsluna, ástæður hennar og mögulegar afleiðingar.

Á vef Tryggingastofnunar getur að líta nokkur áhersluatriði um greiðslu meðlags og annarra framfærsluframlaga sem urðu með nýrri reglugerð sem sett var undir lok síðasta árs.

Árið 2009 fluttu 4.835 fleiri frá landinu en til þess. Aldrei áður hafa jafn margir flutt frá landinu á einu ári. Næstmest var það árið 1887 en þá fluttu 2.229 fleiri frá landinu en til þess. Þá var mannfækkun vegna búferlaflutninga þó helmingi meiri ef miðað er við miðársmannfjölda, eða 3,1% á móti 1,5%.

Heildarútlán Íbúðalánasjóðs námu rúmum 2,1 milljörðum króna í janúar. Þar af voru ríflega 700 milljónir króna vegna almennra lána og um 1,4 milljarðar vegna annarra lána.

Heildarafli íslenskra skipa í nýliðnum janúarmánuði, metinn á föstu verði, var 8,9% minni en í janúar í fyrra samkvæmt bráðabirgðatölum.

Á vef Alþingis hefur verið safnað saman efni sem tengist setningu laga um ríkisábyrgð vegna Icesave-reikninga Landsbankans í Bretlandi og Hollandi. Meðal annars má sjá skýran samanburð á lögunum sem samþykkt hafa verið. 

Kjósandi sem ekki getur kosið á kjördag 6. mars, getur nú greitt atkvæði. Hægt er að kjósa hjá öllum sýslumönnum á landinu, á aðalskrifstofum eða í útibúum þeirra. Í útlöndum er hægt að kjósa á skrifstofu sendiráðs eða fastanefndar hjá alþjóðastofnun, í sendiræðisskrifstofu eða í skrifstofu kjörræðismanns.

Aflaverðmæti íslenskra skipa í októbermánuði 2009 nam 9,7 milljörðum króna miðað við 9,4 milljarða í október 2008. Aflaverðmætið nam rúmum 95 milljörðum króna fyrstu tíu mánuði síðasta árs, samanborið við tæpa 80 milljarða á sama tímabil árið áður. 

Vöruskipti í desember voru hagstæð um tæpa 7 milljarða króna samkvæmt bráðabirgðatölum Hagstofu Íslands. Þetta er sextánda mánuðinn í röð sem vöruskiptajöfnuðurinn er hagstæður. Hann nam tæplega 73 milljörðum króna á síðasta ári þegar bráðabirgðatölur desembermánaðar eru teknar með í reikninginn.

Með ákvörðun forseta Íslands um að staðfesta ekki breytingu Alþingis á lögum nr. 96/2009, svokölluðum Icesave-lögum er þeim árangri sem náðst hefur í endurreisnaráætlun stjórnavalda teflt í mikla tvísýnu. Í viljayfirlýsingu (e. Letter of Intent) íslenskra stjórnvalda til AGS vegna efnahagsáætlunarinnar sem undirrituð var í nóvember 2008 er því heitið að Icesave-málið verði leitt til lykta með samningum og er það ein forsenda lánveitinga frá sjóðnum.

Forseti Íslands kunngjörði í dag að hann staðfesti ekki lög um breytingu á lögum nr. 96/2009, um heimild til handa fjármálaráðherra, fyrir hönd ríkissjóðs, til að ábyrgjast lán Tryggingarsjóðs innstæðueigenda og fjárfesta frá breska og hollenska ríkinu til að standa straum af greiðslum til innstæðueigenda hjá Landsbanka Íslands hf. Alþingi samþykkti lögin 30. desember s.l. sem í daglegu tali eru kennd við Icesave.

Alþingi samþykkti nýverið lög um tekjuöflun ríkisins sem fela í sér margvíslegar breytingar á gildandi lögum um tekjuskatt. Meðal þeirra er að á árinu 2010 verður í fyrsta sinn innheimt þrepaskipt staðgreiðsla á tekjuskatti í þremur þrepum.

Í morgun samþykkti Alþingi frumvarp sem heimilar einstaklingum, að uppfylltum ákveðnum skilyrðum, að taka út meira af séreignarlífeyrissparnaði sínum en áður var leyfilegt. Nú verður hægt er að fá greiddar út allt að 1,5 milljón króna til viðbótar við þá einu milljón króna sem áður var unnt að taka út.

Á vef ríkisskattstjóra getur nú að líta útreikning á því hvernig tekjuskattur og útsvar einstaklinga verður í staðgreiðslu ársins 2010 miðað við forsendur í frumvarpi til laga um tekjuöflun ríkisins. Hafa skal í huga að frumvarpið er til umfjöllunar á Alþingi og gæti tekið breytingum í meðförum þess.

Efnt verður til viðamikils átaks til að skapa fólki án atvinnu fjölbreytt tækifæri fyrir til starfa, menntunar eða annars konar virkni. Á næsta ári verður 1,3 milljarði króna varið í verkefnið. Sérstök áhersla verður lögð á úrræði fyrir ungt fólk og að bregðast við langtímaatvinnuleysi. Um 2.700 ungmenni á aldrinum 16-24 ára eru atvinnulaus um þessar mundir.

Íslensk stjórnvöld, skilanefnd Landsbanka Íslands hf. og Landsbankinn (NBI hf) hafa undirritað endanlegt samkomulagi um uppgjör á eignum og skuldum vegna skiptingar bankans. Fulltrúar helstu kröfuhafa hafa tekið þátt í samningaviðræðunum.

Athygli skal vakin á að fyrri og ítrekaðar yfirlýsingar ríkisstjórna um að innstæður í innlendum viðskiptabönkum og sparisjóðum og útibúum þeirra hér á landi eru tryggðar að fullu.

Útrunninn er frestur til að afþakka sjálfvirka greiðslujöfnun fasteignaveðlána vegna gjalddaga 1. desember. Áfram er hægt að afþakka greiðslujöfnun vegna gjalddaga um miðjan desember og síðar, en það þarf að gerast í síðasta lagi 10 dögum fyrir næsta gjalddaga lánsins.

23.146 einstaklingar afþökkuðu sjálfvirka greiðslujöfnun hjá Íbúðalánasjóði á 38.087 lánum. Þetta eru 47,7% þeirra einstaklinga sem eru lántakar hjá Íbúðalánasjóði og 46,7% af fjölda lána.

Nýtt þriggja þrepa skattkerfi verður tekið í gagnið um næstu áramót samkvæmt fyrirætlunum ríkisstjórnarinnar. Jafnframt verður ráðist í heildarendurskoðun á skattkerfinu og tengslum þess við vaxta- og barnabætur sem miðar að enn frekari jöfnun en náðst hefur með fyrirliggjandi tillögum.

Á morgun rennur út frestur til að afþakka sjálfvirka greiðslujöfnun verðtryggðra fasteignalána fyrir desember.  Í morgun höfðu 15.872 einstaklingar afþakkað greiðslujöfnun á 25.839 lánum hjá Íbúðalánasjóði.  Þetta eru 31% af lánum einstaklinga hjá sjóðnum. Þeir sem hafa sagt sig frá greiðslujöfnun en sjá síðar að þeir kunni að hafa hag af henni, til dæmis vegna breyttra aðstæðna, geta þá sótt um að fá greiðslujöfnun.

Hægt er að afþakka greiðslujöfnun í netbanka, á heimasíðum eða í næsta útibúi lánveitanda en fyrirkomulagið getur verið mismundi milli þeirra. Meðfylgjandi er listi sem vísar beint á hvernig sjálfvirk greiðslujöfnun er afþökkuð hjá hverjum og einum lánveitanda.

Endurskoðuð skýrsla Alþjóðagjaldeyrissjóðsins um íslenska efnahagskerfið hefur verið birt á vef sjóðsins.

Í morgun hafði sjálfvirk greiðslujöfnun verið afþökkuð á liðlega 3.100 lánum hjá Íbúðalánasjóði. Heildarfjöldi lána hjá sjóðnum er um 85 þúsund.

Samkvæmt lögum um greiðslujöfnun sem samþykkt hafa verið á Alþingi fara verðtryggð fasteignaveðlán sem eru í skilum sjálfkrafa í greiðslujöfnun frá og með gjalddaga í desember nema lántaki sæki sérstaklega um að svo verði ekki.

Frumvarp um aðgerðir í þágu einstaklinga, heimila og fyrirtækja vegna banka- og gjaldeyrishrunsins hefur verið samþykkt á Alþingi og taka lögin gildi 1. nóvember.

Frumvarp um Icesave samninginn var lagt fram á Alþingi í dag. Samningar voru gerðir með fyrirvara um samþykki Alþingis á lagabreytingum. Guðmundur Árnason, ráðuneytisstjóri fjármálaráðuneytis undirritaði samkomulagið um Icesave fyrir hönd Steingríms J. Sigfússonar fjármálaráðherra.

Frumvarp um aðgerðir í þágu einstaklinga, heimila og fyrirtækja vegna banka- og gjaldeyrishrunsins hefur verið lagt fram á Alþingi.

Efnahagsstefnan sem nú er fylgt mótast af þeim miklu erfiðleikum sem við er að glíma í íslensku efnhagslífi og byggist á tveimur meginþáttum. Annars vegar að koma Íslandi út úr dýpstu efnahagskreppu seinni ára eins fljótt og auðið er á forsendum norræns velferðarsamfélags. Hins vegar að koma í veg fyrir að slíkt áfall geti dunið yfir á nýjan leik.

Reiknað er með að tekjur ríkissjóðs á næsta ári aukist um 61 milljarð króna frá þessu ári, útgjöldin dragist saman um 43 milljarða og heildarhalli sjóðsins árið 2010 verði liðlega 87 milljarðar króna.

Atvinnuleysi minnkaði um 2,7% að meðaltali milli júlí og ágúst samkvæmt skráningu Vinnumálastofnunar eða um 369 manns. Í ágúst voru að meðaltali 13.387 án vinnu eða 7,7% en á sama tíma í fyrra voru það 1,2% eða 2.136 manns.

Tekjuafkoma hins opinbera var neikvæð um 200 milljarða króna árið 2008, eða 13,6% af landsframleiðslu og 30,6% af tekjum þess. Til samanburðar var tekjuafkoman jákvæð um 5,4% af landsframleiðslu 2007 og 6,3% árið 2006.

Önnur ríkisstjórn Jóhönnu Sigurðardóttur hefur nú starfað í 100 daga, en tilkynnt var um myndun hennar á blaðamannafundi í Norræna húsinu þann 10. maí. Ríkisstjórnin gaf strax út ítarlega samstarfsyfirlýsingu auk yfirlits yfir fyrirhugaðar aðgerðir fyrstu 100 dagana og var sú áætlun birt á upplýsingasíðu stjórnvalda island.is. Á 100 daga áætluninni eru 48 mál og hafa 42 þegar verið afgreidd að mestu og flest þeirra sex sem útaf standa verða afgreidd innan tíðar.

Breið samstaða hefur náðst í fjárlaganefnd Alþingis um afgreiðslu á frumvarpi um ríkisábyrgð til handa Tryggingasjóði innstæðueiganda og fjárfesta vegna uppgjörs við innstæðueigendur Icesave reikninga Landsbanka Íslands í Bretlandi og Hollandi.

Seðlabankinn spáir 9% samdrætti í hagkerfinu í ár en hefur áður spáð 11% samdrætti. Bankinn hefur gefið út uppfærða hagspá samhliða ákvörðun um óbreytta vexti. Þetta kemur heim og saman við þá tilfinningu að samdráttur hagkerfisins verði hugsanlega minni en ráð var fyrir gert. Ástæðan fyrir þessu fráviki sem telst verulegt, er fyrst og fremst sú að einkaneysla hefur ekki dregist saman að því marki sem menn töldu.

Atvinnuleysi mælist nú örlítið lægra en það var í júní, eða 8% í stað 8,1%. Því miður er óvarlegt að álykta sem svo að þessar tölur séu eins jákvæðar og þær virðast við fyrstu sýn. Ástæðan er sú að árstíðaleiðrétt atvinnuleysi er hærra en það var í apríl, maí og júní – eða sem svarar til 8,6%.

Afgangur af vöruskiptum við útlönd nam í júlí 6,4 milljörðum króna samkvæmt upplýsingum sem Hagstofa Íslands hefur tekið saman. Á sama tíma í fyrra var 22 milljarða halli á vöruskiptajöfnuði við útlönd, þannig að munurinn nemur rúmum 28 milljörðum króna milli ára.

Peningastefnunefnd Seðlabanka Íslands hefur tilkynnt að stýrivextir bankans verði óbreyttir, eða 12%. Aðrir vextir bankans haldast óbreyttir sömuleiðis og eru því vextir á viðskiptareikningi 9,5%.

Stöðugt bætist í Icesave-upplýsingabrunninn á island.is. Nú er kominn nýr liður þar sem birt eru plögg um forgangskröfur í þrotabú Landsbanka Íslands, sjá má lista yfir trúnaðargögn sem þingmenn hafa fengið til aflestrar en aðrir fá ekki að sjá og einnig hefur bæst við minnisblað fjármálaráðuneytisins um kjör vegna lántöku Íslands í kjölfar bankahrunsins. 

Kaupmáttur launa hefur lækkað stöðugt frá ársbyrjun 2008, samtals um 12%, líkt og búist var við, fyrst vegna mikillar verðbólgu en síðan vegna bankahrunsins og samdráttar í efnahagslífinu. Kaupmátturinn nú er um það bil sá sami og hann var í árslok ársins 2002.

Undanfarna daga og vikur hafa farið fram viðræður milli stjórnvalda og skilanefnda gömlu bankanna, fyrir hönd kröfuhafa þeirra, um uppgjör. Viðræðurnar snérust einkum um tvennt; sanngjarnt mat á eignum, og með hvaða hætti uppgjör færi fram.
Síðastliðinn föstudag náðu samningsaðilar mikilvægum niðurstöðum í viðræðum sínum og hafa þeir undirritað samkomulag þar um.

Með persónukjöri er kjósendum falið stóraukið vald við val þeirra einstaklinga sem fá umboð þeirra til setu á Alþingi og í sveitarstjórnum. Markmiðið er að efla lýðræði í landinu.

Fleiri gögn hafa nú bæst á island.is vegna Icesave samninganna við Hollendinga og Breta.  Fjögur skjöl hafa nú bæst við þau 68 sem áður hafa verið birt.

Peningastefnunefnd Seðlabanka Íslands hefur ákveðið að halda stýrivöxtum óbreyttum í 12,0%. Aðrir vextir Seðlabankans eru einnig óbreyttir. Vextir á viðskiptareikningum í Seðlabankanum eru þannig áfram 9,5%. Almennt hafði verið talið ólíklegra að vextir yrðu lækkaðir að þessu sinni, enda hefur gengi krónunnar ekki gefið tilefni til þess og verðbólga aftur látið á sér kræla.

Íslendingar hafa í dag tekið að láni jafnvirði 2,5 milljarða bandaríkjadala hjá Svíum, Norðmönnum, Dönum og Finnum sem kemur þó ekki til útborgunar strax. Samningar þar að lútandi voru undirritaðir fyrr í dag. Vextir á lánunum sem eru til 12 ára, eru breytilegir en sem stendur eru þeir 3,835% að meðtöldu 2,75% álagi. 

Öll skjöl sem birta má í Icesave málinu hafa nú verið birt og leynd aflétt af þeim. Skjölin eru birt hér á vefnum.  Hér er einnig birt frumvarp fjármálaráðherra sem lagt hefur verið fyrir Alþingi þar sem farið er fram á að Alþingi samþykki ríkisábyrgð á lán sem taka þarf til að standa við skuldbindingar vegna Icesave reikninga Landsbankans.

Fjármálaráðherra kynnti í dag fyrir Alþingi skýrslu um áætlun um jöfnuð í ríkisfjármálum 2009–2013. Í áætlun ríkisstjórnarinnar eru dregin saman þau markmið í ríkisfjármálum sem íslensk stjórnvöld hafa einsett sér ná á komandi árum. Þessi markmið eru í samræmi við og byggð á samstarfsáætluninni við Alþjóðagjaldeyrissjóðinn.

Samningar hafa tekist um stöðugleikasáttmála sem er eitt af meginmarkmiðum ríkisstjórnarinnar við endurreisn efnahagslífsins. Forsvarsmenn ríkisstjórnar, sveitarfélaga, atvinnurekenda og verkalýðshreyfingar og stéttarfélaga skrifuðu undir samninginn í Þjóðmenningarhúsinu í dag. Stöðugleikasáttmálinn tekur til margra  þeirra helstu þátta sem mestri óvissu hafa verið háðir síðustu mánuðina og er sáttmálinn ein  þeirra meginstoða sem framtíðar uppbygging efnahagslífsins hvílir á.

Að ósk utanríkisráðuneytisins hefur Jakob R. Möller hrl. tekið saman álitsgerð um Icesave samningana við Hollendinga og Breta. Í henni fjallar Jakob um mörg helstu álitamálin sem uppi hafa verið í almennri umræðu frá því skrifað var undir samkomulagið þann 5. júní.

Skýringar við allar greinar Icesave samninganna liggja nú fyrir hér á island.is. Með birtingu þeirra er samningurinn skýrður lið fyrir lið. Sömuleiðis eru fjölmörg lögfræðileg hugtök og heiti skýrð eftir því sem við á og sett í samhengi alþjóðlegra samninga.

Líkt og greint hefur verið frá áður, eru Icesave samningarnir við Breta og Hollendinga birtir hér í heild sinni. Fyrirspurnum svarað: fyrirspurn@island.is

Fyrirspurnir um Icesave samningana og einstök atriði í þeim má senda á veffangið: fyrirspurn@island.is

Samningar Tryggingasjóðs innistæðueiganda og fjárfesta og íslenska ríkisins við Bretland annars vegar og Holland hins vegar voru undirritaðir 5. júní sl. Um er að ræða einkaréttarlega lánasamninga sem almennt eru ekki gerðir opinberir nema með samþykki allra aðila. Íslenska ríkið óskaði strax eftir samþykki annarra samningsaðila við því að samningarnir yrðu gerðir opinberir. Veitti tryggingasjóðurinn strax leyfi fyrir birtingu.

Ríkisstjórninni hefur nú tekist að afgreiða nálega helming allra þeirra verka sem hún setti sér að afgreiða á fyrstu dögum stjórnarinnar. Á fyrstu 33 dögunum hefur hún afgreitt 21 verkefni af 48 og á næstu dögum og vikum mun hún afgreiða mörg stór mál sömuleiðis, einkum þau er varða endurreisn og endurfjármögnun bankakerfisins og ráðstafanir í ríkisfjármálum svo dæmi sé tekið.

Forsætisráðherra hefur lagt fyrir Alþingi frumvarp þar sem fjallað er um þær víðtæku breytingar sem lagðar eru til á verkefnum ráðuneyta auk annarra umbóta í ríkisrekstri á þessu ári. Breytingarnar eru í raun fyrsti þátturinn í þeim stjórnkerfisumbótum sem ráðast þarf í á næstu árum. Þær snúast um tilfærslu verkefna milli ráðuneyta til þess að bæta stjórnsýslu en í kjölfarið verður síðan ráðist í breytingar á stofnanakerfinu sjálfu.

Á fyrsta ársfjórðungi þessa árs var hið opinbera var rekið með 24 milljarða króna tekjuhalla samanborið við 18 milljarða króna tekjuafgang á sama tíma 2008. Þetta kemur fram í Hagtíðindum Hagstofu Íslands. Sem hlutfall af landsframleiðslu ársfjórðungsins mældist tekjuhallinn 6,9% og sem hlutfall af tekjum hins opinbera 15,7%. Á sama ársfjórðungi 2008 mældist tekjuafkoma 5,5% af landsframleiðslu og 10,9% af tekjum hins opinbera.

Ríkisstjórnin samþykkti í gær að samninganefnd um Icesave myndi undirrita samning til lausnar Icesave deilunni við Hollendinga og Breta. Samkomulagið er mikilvægur áfangi í endurreisn íslensks efnahags. Breska fjármálaráðuneytið hefur þegar boðað að kyrrsetningu eigna Landsbankans í Bretlandi verði aflétt og mun það gerast strax 15. júní næstkomandi.

Afgangur var af vöruskiptum við útlönd í maí sem nemur 7,3 milljörðum króna. Útflutningur nam 38,7 milljörðum sem er lítillega minna en á sama tíma í fyrra en hann er að öllu jöfnu nokkuð mikill í maí. Verðmæti innflutnings nam 31,7 milljörðum króna. Þetta kemur fram í bráðabirgðauppgjöri Hagstofu Íslands.

Peningastefnunefnd Seðlabanka Íslands hefur afráðið að lækka stýrivexti bankans um 1 prósentustig, úr 13% í 12%. Þetta er nokkuð í samræmi við væntingar helstu sérfræðinga en minna en margir höfðu vonast til og gefið hafði verið til kynna fyrir mánuði þegar vextir voru síðast ákveðnir.

Nú í vikunni munu fulltrúar fjármálaráðuneytisins ásamt fulltrúum nýju viðskiptabankanna og ráðgjöfum þeirra eiga fundi með skilanefndum gömlu bankanna og ráðgjöfum þeirra til að hefja formlegar samningaviðræður í því augnamiði að ná samkomulagi um greiðslu til gömlu bankanna fyrir yfirteknar eignir og ljúka jafnframt eiginfjármögnun nýju bankanna.

Eins og jafnan sendir Alþjóðagjaldeyrissjóðurinn frá sér yfirlýsingu í lok dvalar sinnar á Íslandi. 11 manna sendinefnd af hálfu sjóðsins hefur dvalist í landinu undanfarna daga og hér fylgir þýðing á tilkynningu sem sjóðurinn sendi frá sér fyrr i dag

Ríkisstjórnin áformar að flytja 38 mál á 137. löggjafarþinginu sem nú er nýhafið. Þetta má lesa úr þingmálaskrá sem lögð var fram um leið og forsætisráðherra flutti stefnuræðu sína.

Atvinnuleysi mældist 9,1% í apríl og hækkaði aðeins um 0,2 prósentustig frá því í mars, þá var það 8,9%. Í október var það á hinn bóginn 1,9% og 1% í apríl á síðasta ári. Atvinnuleysi á Íslandi mælist enn sem komið er minna en meðaltal Evrusvæðisins, en þar er það 9,3%. Atvinnuleysisstigið er mjög í takt við spár Vinnumálastofnunar og búist er við að það standi í stað í maí vegna árstíðabundinna þátta.

Fjármálaráðuneytið hefur birt Vorskýrslu sína um stöðu og horfur í efnahagsmálum eins og hún hún blasir við ráðuneytinu. Ráðuneytið spáir hagvexti strax á næsta ári og telur almennt að kreppan verði grynnri og vari skemur en aðrir hafa haldið fram. Ráðuneytið spáir snöggri aðlögun íslenska hagkerfisins og 5% hagvexti 2011, sem er ríflega tvöfalt meiri vöxtur en Seðlabanki Íslands hefur spáð.

Sendiherra Íslands í London hefur, að beiðni Össurar Skarphéðinssonar utanríkisráðherra, sent öllum þingmönnum breska þingsins bréf þar sem brugðist er við skýrslu fjármálanefndar breska þingsins, sem út kom í apríl sl. Alls er um tæplega 1400 bréf að ræða, en þingmennirnir eru 646 í neðri deild og 738 í efri deild. Lokið var við útsendingu bréfanna í síðustu viku.

Ríkisstjórn Samfylkingar og Vinstri hreyfingarinnar – græns framboðs starfar á grunni ítarlegs sáttmála sem samþykktur hefur verið í báðum flokkum. Auk aðgerða sem við blasa vegna örðugleika í efnahagsmálum, eru í sáttmálanum fjallað um fjölmörg mál sem horfa til framtíðar, þar með talið það höfuðmarkmið að Ísland verði eitt samkeppnishæfasta land veraldar um 2020, þrátt fyrir þau áföll sem á þjóðinni hafa dunið.

Forsvarsmenn ríkisstjórnarinnar, þau Jóhanna Sigurðardóttir forsætisráðherra og Steingrimur J. Sigfússon fjármálaráðherra, kynntu á blaðamannafundi í dag þau áform sem ríkisstjórnin hefur uppi og hyggst ljúka á næstu 100 dögum. Listinn er fjölbreyttur og tekur til margra málaflokka meðal annars er varða ríkisfjármálin og bankamálin en einnig mál er varða hag heimila og fyrirtækja.

Ný ríkisstjórn Samfylkingar og Vinstri hreyfingarinnar – græns framboðs hefur verið mynduð. Forystumenn stjórnarinnar, þau Jóhanna Sigurðardóttir formaður Samfylkingarinnar og forsætisráðherra, og Steingrímur J. Sigfússon, formaður Vinstri hreyfingarinnar – græns framboðs og fjármálaráðherra, kynntu stefnumið stjórnarinnar á blaðamannafundi 10. maí.

Peningastefnunefnd Seðlabanka Íslands hefur afráðið að lækka stýrivexti um 2,5 prósentustig, úr 15,5% í 13%. Þetta er meiri lækkun en spár gáfu til kynna. Seðlabankinn lækkar aðra vexti sína jafnframt þessu um 3%. Rökstuðningur nefndarinnar verður gerður opinber kl. 11.00.

Mikil umræða hefur þróast síðustu daga vegna aðgerða ríkisstjórnar til hjálpar skuldsettum heimilum. Af þessu tilefni er rétt að rifja upp það sem gert hefur verið á á þessum vettvangi. Hér fyrir neðan eru þau atriði sem máli skipta, fjallað er um skuldajöfnun lána, hækkun vaxtabóta, séreignasparnað, þau úrræði sem lögð hafa verið í hendur Íbúðalánasjóðs og annarra fjármálastofnana í kjölfarið, greiðslujöfnun og greiðsluaðlögun og fleiri atriði.

Í fréttaflutningi og umræðu undanfarinna daga um greiðslaðlögun fasteignaveðkrafna og annarra krafna en veðskulda, hefur þess miskilnings gætt að sú aðgerð gagnist ekki vegna þess að enn skorti reglugerð til að vinna eftir. Hið rétta er, eins og fram kemur í áréttingu dómsmálaráðuneytis í dag, að svo er ekki. Greiðsluaðlögun vegna annarra krafna en veðskulda er þegar komin til framkvæmda og lög um greiðsluaðlögun fasteignaveðkrafna taka gildi 15. maí. Enga reglugerð þarf til að þau komist að fullu til framkvæmda.

Verðbólga mælist nú 11,9% á ársgrundvelli samkvæmt því sem Hagstofan greinir frá í dag og fer hratt lækkandi eins og við var búist. Á sama mælikvarða var hún 15,2% í mars og 18,6% í janúar þegar hún fór hæst. Verðlag hefur þó hækkað örlítið milli mánaða, eða um 0,45% en í mars var verðhjöðnun í fyrsta sinn í langan tíma.Árshækkunin miðað við síðustu þrjá mánuði mælist nú aðeins 1,4%, hefur lækkað úr 10,9% í febrúar en fór hæst í 24% í desember á síðasta ári.

Úrslit alþingiskosninga liggja fyrir og má finna á vefnum kosning.is. Heildarúrslit voru þessi; Framsóknarflokkur fékk 27.699 atkvæði eða 14,80% og 9 menn kjörna. Sjálfstæðisflokkur fékk 44.369 atkvæði eða 23,70% og 16 menn kjörna. Frjálslyndi flokkurinn fékk 4.148 atkvæði eða 2,22% og engan mann kjörinn. Borgarahreyfingin fékk 13.519 atkvæði eða 7,22% og 4 menn. Lýðræðishreyfingin fékk 1.107 atkvæði eða 0,59% og engan mann kjörinn. Samfylkingin fékk 55.758 atkvæði eða 29,79% og 20 menn. Vinstri hreyfingin - grænt framboð fékk 40.580 atkvæði eða sem svarar 21,68% og 14 þingmenn kjörna.

Jóhanna Sigurðardóttir, forsætisráðherra ávarpaði fjölsóttan aðalfund Samtaka atvinnulífsins síðasta vetrardag.  Í ávarpi sínu ítrekaði forsætisráðherra afstöðu sína til Evrópumála og sagði meðal annars: “Ég er staðfastlega þeirrar skoðunar að það sé eina trúverðuga leiðin til stöðugleika og farsældar fyrir íslenska þjóð að óska nú þegar eftir viðræðum við Evrópusambandið um fulla aðild og upptöku Evru.”

Samkvæmt tölum sem teknar hafa verið saman af hálfu forsætisráðuneytisins virðist kaupmáttur ráðstöfunartekna dragast saman umfram það sem áætla má út frá launavísitölu. Þá kemur fram í opinberum gögnum að meðalvinnuvika allra á vinnumarkaði hefur styst frá því sem var fyrir ári, um nálega 2 klukkstundir og var að meðaltali 38,9 klukkstundir fyrstu þrjá mánuði ársins. Þessi fækkun vinnustunda á einnig við þá sem eru í fullu starfi, vinnuvika þeirra hefur sömuleiðis styst um 2 klukkustundir og er nú 44,7 klukkstundir.

Viðskiptaráðuneytið hefur látið vinna fyrir sig sérstaka skýrslu um bankaleynd á Íslandi og samanburð á henni hérlendis og erlendis. Í skýrslunni er að finna yfirlit um ákvæði íslenskra laga um trúnaðar- og þagnarskyldu fjármála- og eftirlitsstofnana og samanburð við sambærilegar reglur í Danmörku, Noregi, Þýskalandi og Bretlandi. Jafnframt er gerður almennur samanburður á íslenskum reglum og reglum Sviss, Lúxemborgar og Liechtenstein sem þekkt eru fyrir ríka bankaleynd.

Deloitte LLP hefur lokið bráðabirgðaverðmati þeirra eigna sem fluttar  voru út úr gömlu bönkunum til að mynda efnahag Nýja Kaupþings banka, NBI og Íslandsbanka.  Samhliða vinnslu verðmatsins hefur Oliver Wyman yfirfarið framkvæmd þess fyrir hvern banka. Fyrirtækin vinna nú að lokafrágangi matsins. Þess er vænst að fullnaðarútgáfa þess liggi fyrir í næstu viku.

Ríkisstjórn Íslands hefur samþykkt að auka framlag til Lánasjóðs íslenskra námsmanna um 660 milljónir króna til að koma til móts við þarfir stúdenta sem vilja stunda nám í sumar. Einnig var samþykkt að menntamálaráðherra ræddi við háskólana um framboð lánshæfra sumarnámskeiða í sumar.

Samkomulag hefur náðst um að gildi taki greiðslujöfnun á erlend lán einstaklinga sem tekin hafa verið með veði í fasteign. Markmið samkomulagsins er að tryggja þau áform ríkisstjórnarinnar, að lækka greiðslubyrði á  myntkörfulánum þannig að lántekendur geti staðið í skilum, án þess þó að grípa til afskrifta úr bankakerfinu og eða stofna til verulegs kostnaðar úr ríkissjóði.

Jóhanna Sigurðardóttir forsætisráðherra hefur skrifað Gordon Brown, forsætisráðherra Bretlands, bréf og óskað eftir viðbrögðum bresku ríkisstjórnarinnar við skýrslu fjármálanefndar breska þingsins. Í skýrslunni sem er sú fyrsta af nokkrum sem nefndin hefur boðað, er fjallað um áhrif aðgerða breskra stjórnvalda á íslensku bankana og fjármálakerfið á Íslandi.

Lækkun stýrivaxta úr 17% í 15,5% var í góðu samræmi við spár en umfram væntingar helstu markaðsaðila. Peningastefnunefndin telur að mikill vaxtamunur milli Íslands og annarra landa gefi tækifæri til varfærnislegra vaxtalækkana næstu mánuði en næsta stýrivaxtaákvörðun verður 8. maí. Verðbólgan ætti nú að lækka hratt og verða um 2,5% í byrjun 2010 miðað við heilt ár.

Verkefnalisti ríkisstjórnar Samfylkingar og Vinstri hreyfingarinnar græns framboðs  er varðar heimilin og fyrirtækin var kynntur á blaðamannfundi  7. apríl 2009. Eins og sjá má standa enn nokkur mál útaf og eiga eftir að fá afgreiðslu á Alþingi. Flest málin eru enn í 2. umræðu en afgreiðsla laga um skattamál (undanskot og skattframkvæmd) og lögum um listamannalaun eru í þriðju umræðu

Gengi íslensku krónunnar gagnvart öðrum gjaldmiðlum hefur veikst umtalsvert síðustu daga þrátt fyrir að gjaldeyrishöft hafi verið efld.  Í dag, 7. apríl stendur sterlingspundið í 184 krónum, Bandaríkjadalur í 126 krónum og evran kostar 167 krónur. Þá er gengisvísitalan komin upp í 218 stig.

Undirritað hefur verið samkomulag milli stjórnvalda og allra  þeirra fjármálastofnana sem veita lán til húsnæðiskaupa. Með samkomulaginu er leitast við að tryggja að allir lántakendur fasteignaveðlána fái notið sambærilegra úrræða og Íbúðalánasjóður veitir viðskiptavinum sínum lendi þeir í greiðsluvanda.

Ríkisstjórnin hefur samþykkt og kynnt á vegum félags- og tryggingamálaráðuneytisins áætlun um velferð sem ætlað er að endurspegla áherslur í velferðarmálum til næstu missera. Meðal aðgerða verður stofnun sérstaks mótvægissjóðs sem veita á fé til rannsókna á sviði velferðarmála og verkefna sem bæta á hag þeirra hópa sem verst verða úti í kreppunni.

Nýsamþykktar breytingar Alþingis á lögum um aðför, nauðungarsölu, gjaldþrotaskipti og vexti og verðtryggingu tóku gildi 31. mars síðastliðinn. Markmið lagasetningarinnar er að tryggja að þeir sem eiga í erfiðleikum með að standa skil á fasteignaveðlánum fái rýmri frest til að endurskipuleggja fjármál sín. 

Alþingi samþykkti í nótt lög um breytingu á tollalögum og lögum um gjaldeyrismál sem þegar öðluðust gildi. Samkvæmt nýju lögunum er bannað fram til 30. nóvember að skrá viðskiptaverð vöru í krónum heldur verður að skrá það í þeim erlenda gjaldmiðli sem fram kemur á sölureikningi útflytjenda á útflutningsskýrslum, eða þá í evrum eða dollurum ef óljóst er með hvaða gjaldmiðli viðskiptin fara fram.

Alþingi hefur samþykkt stjórnarfrumvarp um breytingar á lögum um gjaldþrotaskipti og greiðsluaðlögun. Lögin taka gildi 1. apríl. Með þessari breytingu á lögunum er skuldara gert kleift að leita nauðasamnings til greiðsluaðlögunar við kröfuhafa sína með aðstoð umsjónarmanns.

Finnski bankasérfræðingurinn, Kaarlo Jännäri, hefur skilað skýrslu sinni um reglur og eftirlit á íslenskum fjármálamarkaði. Tillögur til úrbóta er settar fram í 8 liðum í lok skýrslunnar. Þar er meðal annars lagt til að Seðlabanki Íslands og FME verði sameinað og að hert verði á eftirliti með mörgum þáttum á fjármálamarkaðinum.

Nú bíða 28 frumvörp ríkisstjórnarinnar afgreiðslu á Alþingi. Þeirra á meðal eru frumvörp um lýðræði, stórnskipan og réttlæti, þ.e. frumvörp til laga um breytingar á stjórnarskrá og frumvarp um stjórnlagaþing, einnig frumvarp um persónukjör og enn fremur má nefna í þessum málaflokki frumvarp sem snýr að vörnum gegn skattasniðgöngu í skattaskjólum og frumvarp sem gerir ráð fyrir auknum heimildum embættis sérskipaðs saksóknara

Krónan hefur veikst nokkuð síðustu daga og er nú evran í 158 krónum en var nálega 142 krónur í byrjun mars. Veikingin er rúm 10% á síðastliðnum tveimur vikum.

Alþingi hefur samþykkt breytingar á lögum um aðför, gjaldþrotaskipti, nauðungarsölu og vexti og verðtryggingu.

Öll ráðuneyti stjórnarráðsins hafa nú að ósk forsætisráðuneytisins tekið saman allar upplýsingar um aðgerðir, beinar og óbeinar, sem gripið hefur verið til frá falli bankanna í byrjun október á síðasta ári.

Eitt mikilvægasta verkefni ríkisstjórnarinnar samkvæmt verkefnaskrá er að verja velferðina. Af því tilefni setti félags- og tryggingamálaráðuneytið á fót sérstaka velferðarvakt.

Stjórnvöld á Íslandi hafa ákveðið að grípa til samhæfðra aðgerða til að verja hagsmuni viðskiptavina sparisjóðanna og tryggja bankaþjónustu um land allt. Með þessum aðgerðum hefur styrkum stoðum verið skotið undir áframhaldandi starfsemi sparisjóða. Þeim verður þar með gert kleift að taka virkan þátt í endurreisn hagkerfisins.

Alþingi hefur samþykkt frumvarp fjármálaráðherra til laga um tímabundna greiðsluaðlögun fyrir fyrirtæki. Þessi nýju lög fela í sér að gerðar eru tímabundnar breytingar á lögum um virðisaukaskatt, lögum um vörugjöld og tollalögum í því skyni að koma til móts við fyrirtæki sem eiga í erfiðleikum með að standa skil á aðflutningsgjöldum og vörugjöldum.

Eftir umfangsmikla undirbúningsvinnu var í síðustu viku gengið frá samkomulagi milli aðildarríkja Norrænu ráðherranefndarinnar og Cayman-eyja um undirritun upplýsingaskiptasamnings. Samningurinn er liður í sameiginlegri viðleitni samningsaðilanna til að stöðva undanskot frá greiðslu opinberra gjalda.

Boðað hefur verið til almenna kosninga til Alþingis með forsetabréfi dagsettu 13. mars síðastliðinn. Þing verður rofið sama dag. 

Steingrímur J. Sigfússon fjármálaráðherra hefur gert grein fyrir helstu stærðum þjóðarbúskaparins og ríkisfjármálanna. Ítarlegt yfirlit yfir þessar stærðir í fortíð og nútíð og spár fyrir framtíðina er að finna í upplýsingum fjármálaráðherra.

Á ríkisstjórnarfundi föstudaginn 6. mars samþykkti stjórnin aðgerðaáætlun í atvinnumálum. Markmið aðgerða er að stemma stigu við auknu atvinnuleysi og stuða að endurreisn atvinnulífs í landinu. Bæði er um að ræða skammtímaaðgerðir en einnig átaksverkefni sem koma til með að skila nýjum störfum til frambúðar. Við skipulagningu endurreisnarátaksins voru hagsmundi landsins alls hafðir að leiðarljósi. Reikna má með að aðgerðir ríkisstjórnarinnar skapi í það minnsta 4000 störf á ársgrundvelli.

Ríkisstjórnin fjallaði í morgun um tillögur Stýrihóps ríkisstjórnarinnar um aðgerðir í atvinnumálum til þess að sporna gegn atvinnuleysi. Samþykkt var að vinna að framgangi ellefu tillagna sem gætu skapað ríflega 4000 ársverka á næstu misserum. Þegar einnig er litið til stöðu fimm verkefna sem tengjast virkjun Búðarháls og orkutengdum iðnaði, öðrum en fyrirhuguðu álveri í Helguvík, þá gæti verið um að ræða 6000 ársverk í heildina.

Ríkisstjórn Samfylkingar og Vinstri-grænna hyggst leggja fyrir alþingi frumvarp sem rýmkar mjög heimildir sérstaks saksóknara til að afla og krefjast upplýsinga og gagna vegna rannsóknar einstakra mála sem tengjast efnahagshruninu. Komið verður á fót upplýsinga- og tilkynningaskyldu og bankaleynd aflétt.

Einkaneysla féll um 7,7%  á síðasta ári miðað við 2007. Hún dróst saman um 23,8% á fjórða ársfjórðungi og á síðasta ári nam hún aðeins 54,2% af landsframleiðslu. Það hlutfall hefur ekki verið lægra í 15 ár. Nýleg gögn benda til enn meiri samdráttar einkaneyslu það sem af er þessu ári.

Frumvarp ríkisstjórnarinnar um afnám laga nr. 141/2003 um eftirlaun forseta, ráðherra, þingmanna og hæstaréttardómara var samþykkt með öllum greiddum atkvæðum á þingfundi Alþingis 5. mars. Þar með falla úr gildi áðurnefnd lög um sérréttindi ofangreindra embættismanna og þingmanna en þau hafa allt frá innleiðingu verið afar umdeild.

Ríkisstjórn Samfylkingar og Vinstri-hreyfingarinnar-græns framboðs lagði fram 3. febrúar á blaðamannafundi 30 mála lista sem stjórnin hefur lagt fyrir Alþingi og vonast til að koma í gegn fyrir þinglok sem enn eru óákveðin. Kosningar verða 25. apríl en deilt er um hversu lengi þingið skuli starfa. Á fréttamannafundinum lýstu forsætis- og fjármálaráðherra því að ekki væru mörg mál ókláruð sem leggja ætti fyrir þingið.

,,Norðurlöndin hafa alla burði til að taka forystu í heiminum á sviði nýsköpunar í orkumálum og umhverfisvænnar orku. Fjárfestingar í umhverfistækni og sjálfbærri orkunýtingu munu skapa tækifæri til vaxtar” sagði Jóhanna Sigurðardóttir meðal annars á blaðamannafundi norrænna forsætisráðherra á Hnattvæðingarþingi Norðurlandanna sem lauk 27. febrúar.

Forsætisráðherrar Norðurlandanna, þau Jóhanna Sigurðardóttir, Anders Fogh Rasmussen, Fredrik Reinfeldt, Jens Stoltenberg og Matti Vanhanen taka þátt í hnattvæðingarþingi sem haldið verður í Bláa Lóninu 26. og 27. febrúar.

Ríkisstjórnin samþykkti á fundi sínum 10. febrúar að ráða erlenda sérfræðinga til að vinna að samningum fyrir hönd ríkissjóðs við uppgjör milli nýju og gömlu bankanna vegna eigna sem fluttar voru á milli þeirra.

Katrín Jakobsdóttir menntamálaráðherra hefur skipað nýja stjórn Lánasjóð íslenskra námsmanna.
Fyrsta verkefni nýrrar stjórnar er að fara yfir allar úthlutunarreglur lánasjóðsins og skoða þá stöðu sem margir námsmenn erlendis eru í. Leitað verður leiða til að laga lánareglur LÍN að efnahagsumhverfinu. Sérstaklega verður hugað að samspili atvinnuleysibóta og námslána.

Katrín Jakobsdóttir, menntamálaráðherra og Hanna Birna Kristjánsdóttir borgarstjóri, undirrituðu í dag viljayfirlýsingu um framkvæmdir við Tónlistarhús og ráðstefnumiðstöð við Austurhöfnina í Reykjavík. Í viljayfirlýsingunni felst ekki aðeins að tryggð sé áframhaldandi uppbygging svæðisins við Austurhöfn heldur einnig mjög mikilvægur stuðningur við menningarlíf í landinu. Um leið skapast hátt í 600 störf við framkvæmdirnar.

Katrín Jakobsdóttir, menntamálaráðherra, hefur óskað eftir því við yfirmenn menningar- og menntastofnana og sérsambanda í íþróttum að þeir skilgreini hlutverk þessara hagsmunaaðila við uppbyggingu Íslands á komandi misserum.

Ríkisstjórn Íslands fjallaði á fundi sínum, 20. febrúar, einkanlega um tvennt, annars vegar fyrirhugað frumvarp til breytinga á stjórnskipunarlögum sem fellur undir fyrirheit stjórnarinnar um lýðræðislegar umbætur í landinu, og hins vegar um mál er varða hag einstaklinga sem tekið hafa erlend lán, svokölluð myntkörfulán.

Fjármálaráðherra hefur lagt fram frumvarp sem heimilar að losað verði um séreignasparnað að hluta. Frumvarpið hefur verið lagt fyrir Alþingi og bíður afgreiðslu þar. Samkvæmt því getur hver og einn sem á frjálsan séreignasparnað tekið út sem svarar 1 milljón króna. Hægt verður að sækja um úttektarheimild frá og með 1. mars 2009 til 1. október 2010.

Efnahagsáætlun stjórnvalda sem unnin er í samstarfi við Alþjóðagjaldeyrissjóðinn (AGS) gengur almennt vel samkvæmt skýrslu starfsmanna AGS. Skýrslan er birt að beiðni íslenskra stjórnvalda, en hún byggir a vinnu sendinefndar sjóðsins sem hér var í desember.

Nefnd um endurreisn fjármálakerfisins birti fyrstu skýrslu sína á fundi með blaðamönnum sem haldin var 11. febrúar í Þjóðmenningarhúsinu. Mats Josefsson, sænskur bankasérfræðingur sem leiðir nefndina, kynnti vinnu hennar, áherslur og þau verkefni sem fram undan eru.

Jóhanna Sigurðardóttir, forsætisráðherra, hefur sett á fót ráðgjafahóp sem vinna á tillögur um breytingar á stjórnarskrá Íslands og undirbúa frumvarp til stjórnskipunarlaga sem lagt verður fram á næstu vikum.

Ingimundur Friðriksson Seðlabankastjóri segir í ítarlegu erindi sínu, sem birt er í heild sinni á vef Seðlabanka Íslands og rekur ástæður bankahrunsins frá sjónarhóli bankans, að bankinn hafi verið hlynntur því síðastliðið sumar að íslenskir bankar, einn eða fleiri, flyttu höfuðstöðvar sínar til útlanda.

Jóhanna Sigurðardóttir forsætisráðherra hvatti til samstöðu þings og þjóðar í stefnuræðu sinni sem flutt var á Alþingi 4. febrúar. Hún lagði áherslu á að raddir almennings fengju að hljóma og þeir sem í stjórnmálum störfuðu finndu leiðir til þess að skoðanir sem flestra fengju að heyrast.

Jóhanna Sigurðardóttir forsætisráðherra, sendi 2. febrúar sl. bréf til bankastjóra Seðlabanka Íslands þar sem gerð var grein fyrir fyrirhuguðu frumvarpi ríkisstjórnarinnar um Seðlabanka Íslands og reifuð sú hugmynd að þeir létu af störfum sjálfviljugir og greiddu þar með götu nauðsynlegra umbóta í fjármálakerfinu.

Nokkur atriði sem vert er að huga að, úr auglýsingu frá Vinnumálastofnun.

Ríkisstjórn Samfylkingar og Vinstri hreyfingarinnar græns framboðs tók við völdum af ríkisstjórn Sjálfstæðisflokks og Samfylkingar í dag, 1. febrúar. Hún hefur ákveðið að kosningar verði 25. apríl, en fram að þeim tíma hefur hún sett sér fjölmörg markmið sem miða að því að koma heimilum og fyrirtækjum til aðstoðar. Verkefnalista nýrrar ríkisstjórnar má finna hér.

Forsvarsmenn nýrrar ríkisstjórnar Samfylkingar og Vinstri hreyfingarinnar græns framboðs, með stuðningi Framsóknarflokks, sem kynnt var formlega í dag, hafa sent frá sér stefnuskrá og ráðherralista nýju stjórnarinnar. Formleg ríkisstjórnarskipti fóru fram í dag, sunnudag.

Ríkisstjórnarsamstarfi Sjálfstæðisflokks og Samfylkingar er lokið. Forsætisráðherra gengur á fund forseta Íslands í dag klukkan 16 og biðjast lausnar fyrir sig og ráðuneyti sitt.

Í ræðu sinni á Alþingi, 22. janúar rakti Geir H. Haarde forsætisráðherra margar þeirra aðgerða sem ríkisstjórnin hefur ráðist í til að bregðast við efnahagsvandanum sem skapaðist við hrun bankanna í október.

Til athugunar er hjá stjórnvöldum að leyfa útgreiðslu viðbótarlífeyrissparnaðar landsmanna en binda hann ekki við ákveðinn aldur eins og nú er.

Skuldir hins opinbera aukast hröðum skrefum í kjölfar bankahrunsins og gætu orðið yfir 70% á næsta ári. Þetta er mikil aukning frá árunum 2006 og 2007 þegar hreinar skuldir hins opinbera voru nærri 7% af landsframleiðslur eftir að ríkissjóður hafði greitt niður stóran hluta skulda sinna.

Vakin er athygli á 800 1190, gjaldfrjálsu símanúmeri Upplýsingamiðstöðvar stjórnvalda. Þar getur almenningur fengið upplýsingar um einstök mál, aðgerðir stjórnvalda og hvert á að snúa sér með eigin vandamál.

Sjávarútvegsráðherra hefur gefið út reglugerð þar sem hámarksafli í þorski er aukinn um 30 þúsund tonn. Heildaraflamark verður því 160 þúsund tonn á yfirstandandi fiskveiðiári, í stað 130 þúsund tonna sem áður hafði verið ákveðið.

Fjármálaráðuneytið hefur endurskoðað þjóðhagsspá fyrir árin 2008 til 2010. Niðurrstöðurnar birtast í heild sinni á vef ráðuneytisins. Í spánni fjallað er um framvindu og horfur helstu þátta efnahagsmála 2008-2010 og breytingar frá haustspá ráðuneytisins útskýrðar. 

Rannsóknarnefnd Alþingis hefur hafist handa við að rannsaka aðdraganda og orsakir falls íslensku bankanna á síðasta ári. Meginhlutverk rannsóknarnefndarinnar er að safna upplýsingum um staðreyndir málsins, draga upp heildarmynd af aðdraganda að falli bankanna og segja til um hverjar hafi verið orsakir þess.

Afgangur af vöruskiptum Íslands við útlönd var 24,1 milljarðar króna í desember 2008 samkvæmt bráðabirgðatölum Hagstofunnar. Vöruskiptajöfnuður hefur aldrei mælst meiri frá því byrjað var að safna mánaðarlegum vöruskiptatölum árið 1992.

Ríkisstjórn Íslands hefur ákveðið að kanna til þrautar möguleika á að leita réttar Íslendinga fyrir Mannréttindadómstóli Evrópu vegna beitingar breskra stjórnvalda á svonefndum hryðjuverkalögum (Anti Terrorism, Crime and Security Act) frá árinu 2001 gegn Landsbankanum á síðasta ári.

Stjórnvöld hafa frá byrjun nóvember unnið samkvæmt efnahagsáætlun sem sett var fram í tengslum við fjárhagslegan stuðning Alþjóðagjaldeyrissjóðsins (IMF).

Sendinefnd frá Alþjóða gjaldeyrissjóðnum hefur verið hér á landi undanfarna daga til að fara yfir þróun efnahagsmála á Íslandi, fjármála ríkisins og endurskipulagningu bankakerfisins. Í yfirlýsingu sem gefin var út fyrir hönd sendinefndarinnar lýsir hún yfir ánægju með hvernig mál hafa þróast á Íslandi á undanförnum vikum.

Dómsmálaráðuneytið hefur auglýst embætti sérstaks saksóknara sem rannsaka skal grun um refsiverða háttsemi sem tengjast kunna hinum sérstöku aðstæðum á fjármálamarkaði sem skapast hafa á Íslandi í haust eftir fall bankanna. Talið var nauðsynlegt að stofna embættið með sérstökum lögum og að með því verði rannsóknin markvissari.

Lagafrumvarp um breytingar á lífeyrissjóðum gerir ráð fyrir að þeim sem orðnir eru 60 ára og eldri verði heimilað að taka út séreignasparnað sinn í einu lagi í stað þess að dreifa honum á 7 ár eins og segir í gildandi lögum. Einnig yrði afnumið gildandi aldurshámark á töku lífeyris sem nú er 75 ár.

Áformað er að bjóða upp á mánaðarlega greiðslu barnabóta á árinu 2009. Samkvæmt því á fyrsta greiðslan að berast fjölskyldum 1. febrúar nk. Lesa meira...