Fundur um nýja sýn á samkeppnishæfni Íslands með tilliti til mælikvarða Alþjóðahagfræðistofnunarinnar var haldinn í Þjóðminjasafninu 5. maí 2010. Efnahags- og viðskiptaráðherra setti fundinn og í kjölfarið fóru átta frummælendur yfir sýn sína og sinna ráðgjafahópa á mismunandi viðfangsefni.

Næstu vikur verður áfram unnið úr hráefni landshlutafunda og annarra viðburða á vegum 20/20 sóknaráætlunar undanfarin misseri. Afraksturinn verður kynntur með viðeigandi hætti þegar þar að kemur.

Markmið sóknaráætlunar er að mótuð verði heildstæð stefna fyrir Ísland í þágu atvinnulífs og samfélags. Ísland skipi sér aftur í fremstu röð í verðmætasköpun, menntun, velferð og lífsgæðum.