Lífeyrir

Lífeyrissparnaður

Lífeyristekjur geta haft áhrif á bætur almannatrygginga sem eru tekjutengdar.
Séreignasparnaður sem er innleystur eftir 1. janúar 2009 skerðir ekki lífeyrisgreiðslur almannatrygginga.

• Sækja þarf um greiðslur úr lífeyrissjóðum. Umsóknareyðublöð er að fá hjá hverjum sjóði. Þau má einnig nálgast á vefjum lífeyrissjóðanna eða fá þau send.

• Nóg er að sækja um lífeyri hjá einum sjóði þó að greitt hafi verið í fleiri, þar sem flestir lífeyrissjóðir eru aðilar að samkomulagi sem kveður á um flutning iðgjalda á milli sjóða.
• Allir lífeyrissjóðir geta veitt upplýsingar um þá sjóði sem einstaklingur hefur greitt í um ævina.

• Almennt hefja lífeyrissjóðir útborgun lífeyris við 67 ára aldur en nokkrir sjóðir miða við 65 ára aldur. Rétt er að kynna sér reglur hlutaðeigandi sjóða.
• Lífeyrissjóðir geta heimilað sjóðfélögum sínum að fresta töku lífeyris til 70 ára aldurs eða flýta henni um allt að fimm ár. Greiðslur hækka þá eða lækka hlutfallslega.
• Lífeyrir er borgaður út mánaðarlega með jöfnum greiðslum til æviloka.
• Upphæð lífeyris er í hlutfalli við greidd iðgjöld á starfsævinni, með örfáum undantekningum.
• Lífeyrisgreiðslur eru skattlagðar eins og launatekjur. Til að nýta persónuafslátt frá því að greiðslur hefjast þarf að skila inn skattkorti um leið og sótt er um lífeyri.
• Makalífeyrir er greiddur eftirlifandi maka sjóðfélaga ef skilyrðum viðkomandi sjóðs er fullnægt. Hver sjóður setur sér nánari reglur um makalífeyri, svo sem um fjárhæð.

Lífeyrismál á vef fjármálaráðuneytis
Lífeyrissjóðir og lífeyrisréttindi á vef Landssamtaka lífeyrissjóða

Viðbótarlífeyrissparnaður

• Viðbótarlífeyrissparnaður er frjáls sparnaður þar sem launafólk getur lagt hluta af launum sínum til hliðar á sérstakan reikning og fengið mótframlag frá vinnuveitanda.
• Útborgun viðbótarlífeyris getur hafist við 60 ára aldur eða síðar og hann er greiddur út með jöfnum afborgunum fram að 67 ára aldri eða lengur ef kosið er.
• Almennt er miðað við að lokaútborgun viðbótarsparnaðar sé í fyrsta lagi þegar 67 ára aldri er náð. Réttur til útborgunar getur fengist fyrr ef greiðslan er lægri en viss viðmiðunarfjárhæð.
• Ef reikningseigandi á inni viðbótarsparnað eftir 67 ára aldur ræður hann hvort eftirstöðvar eru borgaðar út með jöfnum afborgunum eða allar í einu.
• Víðbótarsparnað má taka allan út eftir 60 ára aldur vegna örorku og hann er greiddur lögerfingjum við andlát.
• Tekjuskattur er lagður á útborgaðan viðbótarsparnað.

Vert að skoða

• Gott að vita - Fræðsluvefur Landssamtaka lífeyrissjóða
• Landssamtök lífeyrissjóða
• Lífeyrisgreiðslur frá öðrum löndum á vef TR
  
• Tryggur, þjónustuvefur Tryggingastofnunar ríkisins

Lög og reglugerðir

• Lög um eftirlaun til aldraðra
• Lög um uppbót á eftirlaun
• Ýmis lög og reglugerðir um lífeyrismál á vef fjármálaráðuneytis