Lífeyrir og kjör

Við 67 ára aldur má sækja um ellilífeyri og tengdar greiðslur til Tryggingastofnunar ríkisins. Lífeyrisgreiðslur skiptast í nokkra flokka auk styrkja og bóta sem hægt er að sækja um.

Þeir sem starfa á íslenskum vinnumarkaði safna upp rétti til lífeyris með lífeyrissparnaði. Persónulegur sparnaður, getur tryggt fjárhagslega afkomu á efri árum til viðbótar við lögbundið framlag í lífeyrissjóði og ellilífeyri almannatrygginga.

Ellilífeyrisþegar og eldri borgarar eiga rétt á ýmsum greiðslum frá Sjúkratryggingum Íslands og Tryggingastofnun (TR) til að bæta afkomu sína og hag. Bætur frá Sjúkratryggingum og TR þarf að sækja um.

Ellilífeyrir er tekjutengdur sem þýðir að greiðslur almannatrygginga lækka þegar mánaðartekjur lífeyrisþega fara yfir ákveðin tekjumörk. Upphæð ellilífeyris er reiknuð út frá tekjuáætlun og mikilvægt að hún sé rétt.