Félagslíf

Félagslíf

Eldri borgarar geta sótt félagsskap og dægradvöl í þjónustumiðstöðvum eða félagsmiðstöðvum aldraðra sem starfa í flestum sveitarfélögum landsins.

Yfirlit

Þjónustumiðstöðvar
Félagsstarf

Þjónustumiðstöðvar

Hlutverk þjónustumiðstöðva er að tryggja eldra fólki félagsskap, bjóða upp á tómstundastarf og draga þannig úr hættu á félagslegri einangrun.
Aðgangur að þjónustumiðstöðvum er opinn og eldri borgarar velkomnir eftir eigin hentugleikum.
Greiða þarf gjald fyrir þá þjónustu sem veitt er en starfsemi félagsmiðstöðvanna er niðurgreidd og gjaldi stillt í hóf.
Fjölbreytt starf fer fram í félagsmiðstöðvunum og reynt er að finna sem flestum iðju við hæfi. Þar er til dæmis boðið upp á:

listsköpun og hannyrðir,

leikhúsferðir og ferðalög,

spilamennsku og kórstarf,

námskeið og skemmtun,

leikfimi,

aðstoð við banka- og verslunarferðir.

Máltíðir eru seldar í sumum félagsmiðstöðvanna og víða hægt að fá akstur að heiman og heim.

Dæmi um félagsstarf eldri borgara í ýmsum sveitarfélögum
Borgarbyggð Kópavogur
Reykjavík         Mosfellsbær
Skagafjörður    Garður
Akureyri           Garðabær
Vesturbyggð     Akranes
Borgarbyggð    Fjarðabyggð
Blönduósbær    Ísafjarðarbær

Félagsstarf

Félagasamtök eldri borgara um land allt vinna að almennum hagsmunum eldri borgara og standa fyrir öflugu félagsstarfi; tómstunda-, fræðslu- og menningarmálum. Félögin eru opin öllum sem eru 60 ára og eldri og mökum þeirra þó þeir séu yngri.
Landssamband eldri borgara eru regnhlífasamtök sem samanstanda af öllum félögum eldri borgara á landinu. Þeirra hlutverk er kjara- og réttindabarátta eldri borgara og að efla samtök eftirlaunafólks.
Innan stéttarfélaga eiga félagsmenn á eftirlaunum í ýmsum tilvikum réttindi svo sem til úthlutana á orlofshúsum auk aðgangs að almennu félagsstarfi.
Upplýsingar um félagasamtök eldri borgara er oft að finna á vefjum sveitarfélaganna.

Félag eldri borgara í Reykjavík og nágrenni