Dvalarheimili - Umsókn

Mat á þörf aldraðra fyrir dvalarrými

• Ekki er unnt að sækja beint um dvöl til dvalarheimila heldur þarf fyrst að fara fram mat á þörf fyrir vistun.
• Sótt er um mat á þörf fyrir dvalarrými á sérstöku eyðublaði sem fæst meðal annars hjá félagsþjónustu sveitarfélaga og á vef velferðarráðuneytis.
• Umsókn er skilað inn til félagsþjónustu sveitarfélags. Þar er hún yfirfarin og kannað hvort umsækjandi geti búið áfram í eigin húsnæði með aukinni þjónustu. Ef svo er lýkur ferlinu þar.
• Ef ljóst er að aukin þjónusta svarar ekki þörf umsækjanda er umsókn send sérstöku matsteymi sem sér um framkvæmd matsins.
• Matsteymið hefur sex vikur til að framkvæma mat. Að því loknu á að kynna umsækjanda niðurstöðu. Teljist umsækjandi ekki í þörf fyrir dvalarrými skal rökstyðja niðurstöðu.
• Sé umsækjandi metinn í þörf fyrir dvalarrými er niðurstaða send félagsþjónustu sveitarfélags sem kynnir umsækjanda hvaða úrræði standa til boða og tekur við óskum hans um dvalarstað.
• Mat á þörf umsækjanda fyrir dvalarrými gildir í níu mánuði. Hafi hann ekki fengið vistun að þeim tíma liðnum þarf að gera nýtt mat.

Umsókn um mat á þörf fyrir dvalarrými

• Félagsþjónusta sveitarfélaga tekur við óskum umsækjanda um dvalarstað þegar hann hefur verið metinn í þörf fyrir dvalarrými. Félagsþjónustan sendir síðan þær óskir til matteymis.

Öldrunarmál á vef velferðarráðuneytis
Öldrunarstofnanir á landinu

• Sækja má um vist á fleiri en einu dvalarheimili hvar sem er á landinu og er þeim raðað í forgangsröð eftir óskum umsækjanda.
• Þegar dvalarrými losnar lætur umsjónarmaður matsins stjórn dvalarheimilis í té nöfn þriggja einstaklinga og skal bjóða einum þeirra rýmið.
• Ráðgjöf um vistunarmöguleika og önnur búsetuúrræði veita félagsþjónustur sveitarfélaga. 

Öldrunarstofnanir og þjónusta við aldraða hjá nokkrum sveitarfélögum

• Akranes
• Akureyri
• Fjarðabyggð
• Garðabær
• Kópavogur
• Reykjanesbær
• Reykjavík
• Skagafjörður

Vert að skoða

• Hverfið mitt, hverfavefir Reykjavíkurborgar
  
• Um hjúkrunarheimili á island.is
• Um dvalar- og hjúkrunarheimili á vef TR
  
• Um málefni aldraðra á vef velferðarráðuneytis

Lög og reglugerðir

• Lög og reglugerðir um málefni aldraðra