Búsetumál

Áður en sótt er um vist á dvalarheimili þarf að fara fram mat á þörf fyrir dvalarrými. Skoðaðar eru heilsufarslegar og félagslegar aðstæður hins aldraða og metið hve þörf hans er brýn. 

Áður en óskað er eftir dvöl á hjúkrunarheimili þarf að fara fram vistunarmat þar sem sérstök nefnd metur aðstæður umsækjanda. Plássi á hjúkrunarheimili er ekki úthlutað fyrr en útséð er með önnur úrræði.

Þjónustuíbúðir eru ætlaðar rosknu fólki og öldruðum sem geta búið sjálfstætt. Samkvæmt lögum skal vera öryggiskerfi í íbúðum og völ á fjölbreyttri þjónustu til að létta undir með íbúum.

Aldraðir sem ekki treysta sér til að dvelja lengur á heimili sínu þrátt fyrir heimaþjónustu, eiga þess kost að sækja um vist á öldrunarstofnun þar sem þeir njóta þjónustu og umönnunar við hæfi.