Félagslegt húsnæði

Félagslegt húsnæði

Þeir sem hafa lítil fjárráð eða eða eiga í húsnæðisvanda geta sótt um félagslegt húsnæði eða aðra aðstoð hjá sínu sveitarfélagi.

Þeir sem eiga í húsnæðisvanda geta fengið ráðgjöf um réttindi sín og úrræði hjá félagsþjónustu sveitarfélaganna, til að mynda aðstoð við að leita að húsnæði.
Þeir sem eiga við bráðan húsnæðisvanda að etja og geta ekki sjálfir séð sér fyrir húsnæði af félagslegum eða fjárhagslegum orsökum geta átt möguleika á úthlutun félagslegrar leiguíbúðar, kaupleigu- eða eignaríbúðar.
Íbúar í félagslegu leiguhúsnæði geta átt rétt á húsaleigubótum.

Sótt er um félagslegt húsnæði til húsnæðisfulltrúa eða félagsþjónustu sveitarfélaganna á eyðublöðum sem þar fást.

Úthlutun félagslegra íbúða ræðst í aðalatriðum af fjölskylduhögum, félagslegum aðstæðum og því að tekjur umsækjanda og eignir séu innan ákveðinna marka.
Hvert sveitarfélag setur sér nánari reglur um skilyrði fyrir úthlutun félagslegra íbúða og rekstur þeirra. Upplýsingar, úthlutunarreglur og eyðublöð má víða finna á vefjum sveitarfélaganna.
Ákvarðanir félagsmálanefnda sem afgreiða mál er tengjast félagslegu húsnæði má kæra til úrskurðarnefndar félagsþjónustu.

Vert að skoða

Senda grein