Vaxtabætur

Vaxtabætur

• Þeir sem greiða vexti af lánum sem tekin eru vegna íbúðarhúsnæðis til eigin nota, eiga rétt á vaxtabótum.
• Lán sem mynda rétt til vaxtabóta geta verið vegna:

• kaupa á íbúðarhúsnæði,
• byggingar íbúðarhúsnæðis,
• verulegra endurbóta á íbúðarhúsnæði og Íbúðarlánasjóður hefur veitt,
• greiðsluerfiðleika á lánum sem eru tekin til greiðslu á öðrum húsnæðislánum,
• kaupa á eignarhlut í almennri kaupleiguíbúð.

• Þeir þættir sem hafa áhrif á fjárhæð vaxtabóta eru fjölskyldustaða, tekjur, eignir, skuldir og lánakostnaður þess sem skráður er fyrir láninu.
• Vaxtabætur skerðast eða falla niður ef eignir fara yfir viss mörk.
• Vaxtabætur eru greiddar ársfjórðungslega. Óheimilt er að nota vaxtabætur til að skuldajafna skuldir einstaklinga hjá Íbúðalánasjóði.
  Um vaxtabætur og reiknivél á vef Ríkisskattsjóra

Sérstök vaxtaniðurgreiðsla

• Sérstök vaxtaniðurgreiðsla er tímabundin og tekur til álagningar opinberra gjalda á árunum 2011 og 2012.
• Sérstök vaxtaniðurgreiðsla nemur 0,6% af skuldum vegna lána sem tekin hafa verið vegna íbúðarhúsnæðis til eigin nota.
• Sérstök vaxtaniðurgreiðsla getur aldrei orðið hærri en 200.000 kr. á ári fyrir hvern mann og 300.000 kr. á ári fyrir einstætt foreldri og hjón eða sambýlisfólk.
• Sérstök vaxtaniðurgreiðsla skerðist hlutfallslega fari eignir að frádregnum skuldum fram úr 10.000.000 kr. hjá einstaklingi og 15.000.000 kr. hjá hjónum eða sambýlisfólki uns hún fellur niður við tvöfalda þá upphæð.
• Sérstök vaxtaniðurgreiðsla að viðbættum vaxtabótum má ekki vera hærri en vaxtagjöld ársins.
  
• Sérstök vaxtaniðurgreiðsla verður greidd með jöfnum hætti og í tvennu lagi hvort árið fyrir sig. Fyrri greiðslan fer fram 1. maí og sú síðari 1. ágúst að lokinni álagningu opinberra gjalda.
  

Vert að skoða

• Um vaxtabætur á vef rsk.is
  

Lög og reglugerðir

• Lög um tekjuskatt
• Reglugerð um greiðslu vaxtabóta

Hafirðu skoðun eða ábendingu um efni sem þér finnst vanta á vefinn, sendu hana þá á tölvupóstfangið: island@island.is