Fasteignaviðskipti

Í verðsjá fasteigna er hægt að kynna sér söluverð sem fengist hefur fyrir íbúðarhúsnæði samkvæmt kaupsamningum.

Kaup og sala

• Einungis löggiltir fasteignasalar og lögmenn mega hafa milligöngu um fasteignaviðskipti. Misjafnt er hvaða gjald er sett upp fyrir slíka þjónustu.
• Einstaklingum er heimilt að sjá um fasteignaviðskipti sín án milligöngumanns en verða að gæta þess að rétt sé staðið að málum í hvívetna enda miklir hagsmunir að veði.
• Seljandi á að veita glöggar upplýsingar um ástand eignarinnar og gæta þess að sölu- og kynningargögn séu í samræmi við það.
• Kaupandi tryggir betur stöðu sína með því að skoða eign vandlega áður en kauptilboð er gert.
• Æskilegt er að kaupandi og seljandi kynni sér hvaða ákvæði gildi um mögulega ábyrgð á göllum á eign.
• Ekki er leyfilegt að selja eign í fjöleignarhúsi nema eignaskiptayfirlýsing hafi verið gerð.
• Annað hjóna má ekki selja eða ráðstafa íbúðarhúsnæði sem þau búa í nema með samþykki hins. Sama gildir um eign hjóna sem atvinna annars eða beggja fer fram í.

Samningar og skjöl

• Í kauptilboði verður að gæta þess að hafa viðeigandi fyrirvara þegar þess þarf með, svo sem um lánsloforð og greiðslufyrirkomulag.
• Viðeigandi skjölum þarf að þinglýsa eða aflýsa hjá sýslumanni í því umdæmi sem fasteignin er. Sé það ekki gert er réttur kaupanda ekki fulltryggur.
  Um þinglýsingar og aflýsingar á vef sýslumannsembættanna

• Kaupsamningi, veðskuldabréfum (lánum) og afsali eignar á að þinglýsa.
• Uppgreiddum lánum og öðrum skjölum sem lokið hafa hlutverki sínu á að aflýsa.

• Ráðlegt er að halda til haga öllum gögnum er viðkoma fasteignaviðskiptum.

Vert að skoða

• Fasteigna- og brunabótamat á island.is
• Félag fasteignasala
• Handbók neytenda: Hús og íbúðir
• Húseigendafélagið - hagsmunafélag fasteignaeigenda
• Málefni fasteignasala á vef efnahags- og viðskiptaráðuneytis
• Sýslumannsskrifstofur um landið

Lög og reglugerðir

• Lög og reglugerðir er varða fasteignamál