Fasteignagjöld og -tryggingar

Gjöld og skattar

• Fasteignagjöld skiptast í fimm tegundir gjalda sem öll eru ákveðið hlutfall af fasteignamati hverrar eignar:
  
  1. fasteignaskatt,
  2. lóðaleigu,
  3. holræsagjald,
  4. vatnsgjald og
  5. sorphirðugjald.
• Fasteignagjöld renna til sveitarfélaga sem ákveða álagningu þeirra og annast innheimtu.
• Greiðslum fasteignagjalda er dreift jafnt yfir ákveðna gjalddaga á árinu.

Afsláttur

• Elli- og örorkulífeyrisþegum er veittur afsláttur af fasteignagjöldum í sumum sveitarfélögum sem setja sér reglur um fjárhæð afsláttar og tekjumörk umsækjenda.
• Upplýsingar og umsóknir um afslátt af fasteignagjöldum er að fá hjá hverju sveitarfélagi um sig og á heimasíðum þeirra.
  

Erfðafjárskattur á island.is

Húsnæðistryggingar

Brunatrygging

• Allir húseigendur verða að brunatryggja eign sína hjá tryggingafélagi. Eigendum er líka skylt að brunatryggja hús á meðan á smíði þess stendur.
• Upphæð brunatryggingar, eða iðgjald, er byggð á brunabótamati.
• Brunabótamat er ekki gert fyrr en smíði húss er lokið eða það tekið í notkun og iðgjald byggir á öðrum grundvelli á smíðatíma þess. Eigandi húss þarf því að gæta þess að tilkynna tryggingafélagi um lok byggingar og eru iðgjöld þá færð til samræmis við brunbótamat.
• Brunatrygging fellur ekki úr gildi við uppsögn fyrr en ný hefur tekið gildi.
• Lögbundin brunatrygging nær aðeins yfir húseignina sjálfa en innbú er hægt að tryggja sérstaklega hjá tryggingafélögum.

Aðrar húsnæðistryggingar

• Allir húseigendur greiða viðlagatryggingargjald og gjald í ofanflóðasjóð.
• Viðlagatrygging bætir tjón á húsum vegna eftirtalinna náttúruhamfara: snjóflóða, skriðufalla, jarðskjálfta, eldgosa og vatnsflóða.
  Vefur Viðlagatryggingar Íslands
• Ofanflóðasjóður stendur straum af kostnaði við gerð varnarmannvirkja á snjóflóðasvæðum.
• Gjöld þessi eru miðuð við brunabótamat eignarinnar og innheimt af tryggingafélagi samhliða iðgjaldi brunatryggingar.
• Rétt er að kynna sér vel tryggingaskilmála annarra keyptra trygginga á eignum og afkomu.

Vert að skoða

• Bifreiðatryggingar á island.is
  
• Handbók neytenda: Tryggingar
• Leiðbeiningar vegna fasteignagjalda 2012
  
• Mannvirkjastofnun
  
• Um fasteignagjöld á vef Reykjavíkurborgar
• Um eldgos, jarðskjálfta og snjóflóð á vef Veðurstofu Íslands
• Varnir gegn innbrotum á Lögregluvefnum

Lög og reglugerðir

• Lög um brunatryggingar
• Lög um tekjustofna sveitarfélaga
• Lög um varnir gegn snjóflóðum og skriðuföllum
• Lög um vátryggingarsamninga
• Lög um Viðlagatryggingu Íslands
• Reglugerð um fasteignaskatt
• Reglugerð um lögboðna brunatryggingu húseigna
• Reglugerð um Viðlagatrygginu Íslands